Bugun,

  • USD 11095.31
  • RUB 173.84
  • EUR 10772.44

Aktrisa Vupining mashhurlik cho‘qqisi o‘tgan asrning 80–90-yillariga to‘g‘ri kelgan. Aktrisaning asl ismi Kerin Elayn Jonson bo‘lib, 1955-yil 13-noyabrda Nyu-Yorkda o‘qituvchi va ruhoniy oilasida tug‘ilgan. Hozirda Vupining yoshi 65 da va u shu kungacha ko‘plab yutuqlarga erishgan.

Foto: “ivi.ru”

Foto: “ivi.ru”

Vupi yoshligida aktyorlik bo‘yicha hech qanday ta’lim olmagan. Shunday bo‘lsa-da, bu unga kelajakda bir qancha mukofotlarni qo‘lga kiritishida to‘sqinlik qilmadi. U kino olamida o‘z o‘rniga ega aktrisalardan biri hisoblanadi.

Foto: “wday.ru”

Foto: “wday.ru”

Tabiatan iqtidorli bo‘lib tug‘ilgan Vupi 8 yoshida bolalar teatrida rol ijro etishni boshlagan. Ammo uning maktabda o‘qishi juda qiyin bo‘lgan, chunki uning salohiyatida biroz muammolar bor edi.

Foto: “kino-teatr.ru”

Foto: “kino-teatr.ru”

14 yoshga kirganida uydan chiqib ketgan Vupi giyohvandlikka berilgan va uni birinchi turmush o‘rtog‘i − Elvin Martin qutqargan. U bo‘lajak aktrisani ko‘chada uxlayotganida topgan va uyg‘otib, uning qornini to‘ydirgan. Agar giyohvand moddalarni qabul qilishni to‘xtatsa, aktrisa bo‘la olishiga ishonchini kuchaytirgan.

Foto: “fishki.net”

Foto: “fishki.net”

Shundan keyin ular bir oila bo‘lib yashagan va bir yildan so‘ng qizi Aleksandra dunyoga kelgan. Vupi 19 yoshida San-Diyego shahridagi teatrdan ish topib, qizi bilan ko‘chib ketishga qaror qilgan. Ammo uning turmush o‘rtog‘i Nyu-Yorkdan ketishni xohlamagan. Vupi esa imkoniyatni qo‘ldan boy berishni istamasdi.

Foto: Pinterest

Foto: Pinterest

Vupining teatrdagi faoliyati shu tarzda dastlab San-Diyego, keyin San-Fransiskoda boshlangan. Tobora mahorati o‘sib borayotgan Vupi bir kuni monospektakl taqdim etib, unda bir o‘zi 6 ta obrazda namoyon bo‘lgan. Aynan ushbu spektakli bilan aktrisa AQSh, Yevropa va Kanadada ijodiy safarlarda ham bo‘ldi.

Foto: “volscreen.ru”

Foto: “volscreen.ru”

Keyinchalik uning ijrosidan mamnun bo‘lgan Maykl Nikols aktrisani Brodveyga ishlashga taklif qildi. Vupi esa u yerda allaqachon kinoijodkorlarning e’tiboriga tushib ulgurgan edi.

Foto: “kino-teatr.ru”

Foto: “kino-teatr.ru”

1991-yil “Arvoh” filmidagi roli uchun aktrisa birdaniga 3 ta asosiy mukofotga sazovor bo‘lgan, shu jumladan, Oskarga ham. Keyinchalik u o‘zi rol tanlay boshlagan, chunki endi u mahoratli aktrisa sifatida fikr bildirishga haqli edi.

Foto: “kino-teatr.ru”

Foto: “kino-teatr.ru”

“Gollivud xuddi inkubatorga o‘xshaydi, barchaning yuzi mukammal, burni kichkina va tishlari tekis. Ammo men tabiiy va betakrorman”, − deydi aktrisa.

Foto: “wday.ru”

Foto: “wday.ru”

Eng qizig‘i, aktrisa qoshlarini doimo qirib yuradi. Chunki ularni qalin va bo‘ysunmas deb biladi. Vupi birinchi turmush o‘rtog‘i bilan 6 yil yashab, boshqa shaharga ko‘chganligi tufayli ajrashgan edi. Ikkinchi turmush o‘rtog‘i – Devid Kassenga 1988-yil turmushga chiqdi, 2 yildan so‘ng ularning turmushi buzilgan. Tadbirkor Maykl Traxtenverg bilan esa 1 yil oila bo‘lib yashagan, xolos.

“Men o‘z his-tuyg‘ularimni hech kim bo‘lishishni istamadim. Munosabatlar esa busiz bo‘lmaydi. Nikoh men uchun emasligini anglashim uchun juda ko‘p vaqt kerak bo‘ldi”, − deydi aktrisa.

Foto: “volscreen.ru”

Foto: “volscreen.ru”

Vupi 18 yoshida ona bo‘lgan edi, 34 yoshida esa buviga aylandi. Keyinchalik Vupining nabiralari yana ikkitaga ko‘paydi. Va nihoyat aktrisaga 58 yoshida katta nabirasi tufayli katta buvilik ham nasib etdi. U komediya malikasi sifatida hanuzgacha tomoshabinlarni hazilga boy ijrolari bilan zavqlantirib kelmoqda.

Izoh
Asosiy yangiliklar
Dunyo
Putin rasmiy qarorgohida zinadan yiqilib tushgani aytilmoqda
Mahalliy
“Mashina minishni qimmatlashtirish kerak”. Doniyor G‘aniyev tirbandliklarni kamaytirish, aholini jamoat transportiga o‘rgatish uchun nimalar qilish zarurligi haqid...
Madaniyat
“Uyda yolg‘iz” filmi yulduzi shapkasi yonayotgan sahnani suratga olish paytida boshi kuyib qolgani haqida gapirdi