Bugun,

  • USD 10940.05
  • RUB 182.26
  • EUR 11121.65

Xalq ta’limi tizimida ish haqi fondi 17 trillion so‘mni tashkil qiladi, kamomadlar to‘g‘risida chiqayotgan ma’lumotlarning asosi vazirlik mehnati natijasi sanaladi. Bu haqda xalq ta’limi vaziri o‘rinbosari Temur Komilov O‘zAga bergan intervyusida aytib o‘tdi.

Uning so‘zlariga ko‘ra, vazirlikning Ichki auditi aniqlanayotgan holatlarni huquq-tartibot organlariga taqdim etadi, ular tegishli surishtiruv ishlaridan keyin e’lon qilinadi.

“Bu masala yuzasidan fikrimiz juda ham keskin. Xalq ta’limi tizimida ish haqi fondi 17 trillion so‘mni tashkil qiladi, agar tizimda 1 foiz kamomad aniqlansa ham bu 170 milliard so‘m mablag‘ bo‘ladi. OAVda kamomadlar to‘g‘risida chiqayotgan ma’lumotlarning asosi o‘zimizning vazirlik mehnati natijasi sanaladi. Bu narsa Oliy Majlis Qonunchilik palatasida ham, Senatda ham muhokama qilingan.

Biz shu yilning yanvar–fevral oylarida Xalq ta’limi vazirligining ichki audit xizmati va Hisob palatasi hamkorlikda o‘rganish ishlarini olib bordik, hozir ham bu ishlarni davom ettiryapmiz. Yil yakunida ushbu sohada qilingan ishlar bo‘yicha sarhisob tarzida ommaviy axborot vositalari orqali alohida ma’lumot berishni rejalashtirganmiz. Qanday kamchiliklar aniqladik, qancha kamomad topdik, qayerda xatoliklarga yo‘l qo‘yilgan.

Misol uchun, birgina Andijon shahrida ishlamaydigan odamlarga 5 milliard so‘mdan ortiq oylik yoki mukofot pullarini rasmiylashtirish natijasida davlat budjetiga zarar keltirilgan holatlarni aniqlaganmiz. Xuddi shu kabi Zarbdor tumanida ham 7 milliard so‘mdan ortiq kamchiliklar aniqlandi va huquq-tartibot organlariga taqdim etildi.

Bunga 2019-yilda ichki audit xizmatini kuchaytirishga berilgan asosiy e’tibor sabab bo‘lmoqda. Ichki auditni kuchaytirganimizdan keyin uni Markaziy apparatga olib, faqat vazirlikka bo‘ysunadigan qildik va Moliya vazirligidan moliyaviy instrumentlarni olib, aynan xavf tahlillari asosida og‘riqli har bir nuqtaga borib, kamchiliklarni aniqlayapmiz. Bu bo‘yicha qilayotgan ishlarimiz murosasiz, albatta choralar ko‘riladi.

Yillar davomida budjet tizimida ish haqining taqsimlanishi, sarflanishi hisoboti to‘liq avtomatlashtirilmagan, biz bu ishlarni bosqichma-bosqich amalga oshiryapmiz, ya’ni tarifikatsiya hisobi bo‘ladimi, malakasi bo‘yicha to‘g‘ri taqsimlanishi bo‘ladimi, avtomatlashtirishni boshladik.

Bundan tashqari, xalq ta’limi tizimining boshqaruv elektron dasturini yaratish bo‘yicha ham ish olib borilmoqda. Keyingi o‘quv yilidan uni, albatta, amaliyotga joriy qilish bo‘yicha harakat qilamiz.

Vazirlikning Ichki auditi o‘zimiz tomondan aniqlanayotgan holatlarni huquq-tartibot organlariga taqdim etib, ular yuzasidan holatlar huquq-tartibot organlarining surishtiruv ishlaridan keyin e’lon qilinadi”, – dedi vazir o‘rinbosari.

Avvalroq Andijonda o‘quvchilari ustki kiyimsiz tashqariga chiqarilgan maktab direktori ishdan olingani xabar qilingandi.

Izoh
Asosiy yangiliklar
Dunyo
Sharqiy Quddusda keskinlik avjiga chiqmoqda (video)
Mahalliy
Ayol dasturchilar uchun mukofoti 8 000 dollarlik xakatonga arizalar qabuli boshlandi
Mahalliy
Narxi 16 ming dollar, vazni 200 kilogrammdan oshadi – “Naslli qo‘chqorlar ko‘rgazmasi”dan reportaj