Bugun,

  • USD 10940.05
  • RUB 182.26
  • EUR 11121.65

Coca-Cola Superliga 23-turi doirasida o‘tgan “Metallurg” — “Bunyodkor” uchrashuvidan (3:2) keyin har ikki jamoa bosh murabbiylari ishtirokida matbuot anjumani o‘tkazildi.

Foto: “Bunyodkor” FK

Foto: “Bunyodkor” FK

Dastlab mehmonlar ustozi Vadim Abramov o‘z fikrlari bilan o‘rtoqlashdi.

O‘ylashimcha, bu bellashuv biz uchun kutilmaganda oson o‘tdi. Tezkor gol urdik, o‘yinni nazorat qildik. Keyin zaxiradagi futbolchilarni tushirdik, qandaydir xotirjamlik sababli oddiy vaziyatlarda ikkita gol o‘tkazib yubordik. G‘alabaga yaqin edik va amalda shunday bo‘ldi. Fikrimcha, g‘alaba osonlik bilan qo‘lga kiritildi. Bunday uchrashuvlar bo‘lib turadi. Navbatdagi bahslarda ham maydonga faqat g‘alaba uchun chiqamiz. Ko‘ramiz, turnir jadvalidagi holat qanday ko‘rinish oladi. Asosiysi, g‘alaba qozondik, qolgani qanday davom etishini kuzatamiz.

Vadim Abramov, “Bunyodkor” bosh murabbiyi

Foto: “Bunyodkor” FK

Foto: “Bunyodkor” FK

Shuningdek, mezbonlar bosh murabbiyi Andrey Shipilov ham o‘z fikrlarini bayon qildi.

“Bunyodkor” haqli g‘alabani qo‘lga kiritdi. Raqib butun o‘yinni nazorat qildi. 0:3, bemalol o‘ynadi, sovuqqonlik bilan harakat qildi, zaxiradagi futbolchilarga imkoniyat berdi. Biz esa, negadir qo‘rqdik. Kimdan, nega qo‘rqdik, bilmadim. Vaholanki, raqib safida ham ikkita oyog‘i va ikkita qo‘li bor futbolchilar to‘p surdi. Negadir 0:3 dan keyin uyg‘ondik va qandaydir ikkita golni urdik. Tayanch yarim himoyachilari “uxladi”, darvozabonimiz tushunarsiz xatolarga yo‘l qo‘ydi. Hayronman, aytishga so‘z yo‘q. “Metallurg”dagi  uch yillik faoliyatimdagi eng yomon o‘yin desam bo‘ladi.

Andrey Shipilov, “Metallurg” bosh murabbiyi

“Bunyodkor” keyingi turda “So‘g‘diyona”ga qarshi o‘tkazadi. “Metallurg” esa “Qizilqum” bilan o‘ynaydi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Mahalliy
Nukusda bir-biri bilan mushtlashgan maktab o‘quvchilarining ota-onasi jarimaga tortildi
Mahalliy
AQSH elchixonasi O‘zbekiston armiyasi shifokoriga minnatdorchilik bildirdi
Dunyo
Xitoy olimlari dunyoda birinchi bo‘lib Arktika bo‘risini klonlashtirdi (video)