Mobil telefonga olingan yo‘llardagi qoidabuzarliklar endilikda videoregistratorlar bilan tenglashtiriladi va Ma’muriy javobgarlik to‘g‘risidagi kodeksda belgilangan tartibda ko‘rib chiqiladi, deya xabar bermoqda O‘zA.
Ma’lum qilinishicha, hukumatning yangi qaroriga muvofiq, mobil telefonga tasvirga olingan yo‘l harakati qoidalarining buzilishi aks ettirilgan video va fotosuratlar bo‘yicha ham jarima qo‘llaniladi.
Hukumatning tegishli qarori bilan yo‘l harakati xavfsizligi sohasidagi huquqbuzarliklarga qarshi kurashishga oid amaldagi tartibga o‘zgarish kiritildi.
Mamlakatda 2021-yil 1-yanvardan boshlab videoregistratorlar bilan birga, videokuzatuv va tasvirga olish texnika vositalari hamda mobil qurilmalar orqali qayd etilgan huquqbuzarlik holatlari aks etgan videoyozuvlar maxsus avtomatlashtirilgan foto va video qayd etish texnika vositalari orqali qayd etilgan videoyozuvlarga tenglashtiriladi hamda Ma’muriy javobgarlik to‘g‘risidagi kodeksda belgilangan tartibda ko‘rib chiqiladi.
Mavzuga doir: O‘zbekistonda avtomobil old qismiga monitor o‘rnatganlik uchun belgilangan ma’muriy javobgarlikni bekor qilish taklif etildi
Fuqarolar huquqbuzarlik tasvirga tushirilgan videolarni ejarima.uz sayti orqali vakolatli organga yuborishlari mumkin.
Avvalroq Sirdaryo YHXBga tegishli 4 oyda 15 marta qoida buzgan avtomobil “kechiktirib bo‘lmaydigan xizmat vazifalarini bajarganligi” sabab jarimalardan ozod etilgani xabar qilingandi.
Izoh (0)