AQSh poytaxti Vashingtonda 2020-yil 23-oktabr kuni rassom Syuzan Firstenberg tomonidan koronavirus pandemiyasi paytida odamlarning ommaviy ravishda halok bo‘lishiga bag‘ishlangan “Qanday qilib bu Amerikada sodir bo‘lishi mumkin...” deb nomlangan badiiy installyatsiya ochildi. Installyatsiya koronavirus oqibatida vafot etgan amerikaliklar soniga mos ravishda 223 059 oq bayroqdan iborat. Rassomning o‘zi mahalliy aholidan qurbonlar soni oshgani sayin yangi bayroqlarni o‘rnatishda yordam berishni iltimos qilgan. AQSh koronavirusdan vafot etganlar soni bo‘yicha dunyoda birinchi o‘rinda bormoqda. Hozirda mamlakatda har kuni 700-800 kishi COVID-19’dan vafot etmoqda. Jons Hopkins universitetining ma’lumotlariga ko‘ra, AQShda 8 704 968 ta koronavirusga chalinish holati aniqlangan. Bemorlarning 3 460 455 nafari sog‘aygan.

Foto: Reuters

Mavzuga doir: