Bugun,

  • USD 11095.31
  • RUB 173.84
  • EUR 10772.44

Jahon sog‘liqni saqlash tashkiloti (JSST) 22-oktabr kuni COVID-19’ga chalinganlar soni bir kecha-kunduzda rekord darajada — 423 819 kishiga o‘sganini qayd etdi, deb yozadi Meduza. Bu 17-oktabrdan buyon kuzatilgan maksimal ko‘rsatkichdir, o‘shanda qariyb 413 ming kishida koronavirus aniqlangan edi.

Foto: Reuters

Foto: Reuters

JSST ma’lumotlariga ko‘ra, bir kecha-kunduzda dunyo bo‘yicha 6424 kishi koronavirusdan vafot etgan.

COVID-19’ga chalinish bo‘yicha yangi holatlar rekord darajada ko‘paygani haqida Ispaniya va Fransiya hukumatlari ma’lum qildi. Fransiya sog‘liqni saqlash xizmatlariga ko‘ra, 24 soat ichida 41 622 kishida virus aniqlangan. Ispaniyada esa bir kunda 20 986 ta koronavirusga chalinish holati qayd etilgan.

Fransiyada, rasmiy hisob-kitoblarga ko‘ra, 999 043 kishida COVID-19 aniqlangan. Ammo real vaqtda koronavirus bilan bog‘liq vaziyatni kuzatib boruvchi Jons Hopkins universiteti ma’lumotlari bo‘yicha, Fransiyada 1 041 991 kishi virusga chalingan.

Ispaniyada 22-oktabr holatiga ko‘ra, 1 026 281 nafar COVID-bemor qayd etilgan.

Koronavirusga chalinish bo‘yicha yangi holatlarning eng ko‘p soni AQShda aniqlandi — 60 mingdan ortiq bemor. Yana 55 mingdan ortiq holat Hindistonda tasdiqlandi. Buyuk Britaniyada esa 26 mingta holat qayd etildi.

Pandemiya boshidan buyon, JSST ma’lumotlariga ko‘ra, dunyoda 41,104 million kishi COVID-19 bilan kasallangan, 1,128 milliondan ortiq kishi vafot etgan.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi