Yaponiyalik tadqiqotchilar to‘rt kishi kafe yoki restoran stolida o‘tirib muloqot qilayotgan vaqtida koronavirus qanday usulda tarqalishini modellashtirdi, deb xabar beradi The Asahi Shimbun.
Kadr: YouTube
RIKEN Hisoblash fanlari instituti markazi olimlari Kobe universitetidagi hamkasblari bilan barda uch kishi bilan birga o‘tirilganida va ulardan biri koronavirus tashuvchisi bo‘lgan holatda virusning yuqish ehtimolligini qanday bo‘lishini namoyish etdi.
Modelda to‘rt kishi ikkiga bo‘linib, bir-biriga nisbatan 60 santimetr kvadrat stol atrofida o‘tiribdi (bu kafe va restoranlardagi stollarning standart o‘lchami). Modellashtirish bemor odamning yonida o‘tirgan insonga aerozol zarralari qarshisidagiga qaraganda besh barobar ko‘proq tushishini ko‘rsatgan.
Agarda suhbatdosh COVID-19 tashuvchisi bo‘lsa, virusni yuqtirib olish ehtimolligi ham shunchaga teng. Shu bilan birga, gapirayotgan odam boshini yonidagiga burganda patogenning yuqish xavfi oshadi. Olimlarning fikricha, eng xavfsiz joy kasallikka chalinganlikda gumon qilingan insonga nisbatan diagonal holatda o‘tirish: u yerga gapirayotgan odamdan ajralgan aerozol zarralarining to‘rtdan bir qismi yetib boradi.
Shuningdek, modellashtirish bu kabi zarralarning tarqalishi binoning namlik darajasiga bog‘liq ekanligini ko‘rsatgan. Namlik 30 foiz bo‘lganida zarralarning tarqalishi 60 foiz namlikka qaraganda ikki barobarga oshadi. Bu yuqori namlikda zarralar bir-birga yopishib, tezroq cho‘kishiga bog‘liq.
Mazkur tadqiqot jamoat joylaridagi havoni namlantiruvchi qurilmalar COVID-19 bilan kasallanish ehtimolligini kamaytirishga xizmat qilishini bildiradi. Shuningdek, olimlar kafe va restoranlardagi stollarga maxsus shaffof ekranlarni o‘rnatishni tavsiya qiladi.
Avvalroq yaponiyalik olimlar koronavirusning odam terisida qancha muddat yashashini aniqlagan edi.
