Bugun,

  • USD 10940.05
  • RUB 182.26
  • EUR 11121.65

O‘zbekistonda 2020-yil yanvar oyidan sentabr oyigacha 4294 ta yo‘l-transport hodisasi sodir bo‘lgan. IIV YHXBB ma’lumotiga ko‘ra, YTHlar soni 2019-yilning shu davriga nisbatan 510 taga kamaygan (o‘tgan yil yanvar—sentabr oylarida 4804 ta YTH sodir bo‘lgan).

Foto: “Daryo”

Foto: “Daryo”

2019-yilning yanvar—sentabr oylarida oqibati o‘lim bilan tugagan 1398 ta YTH yuz bergan bo‘lsa, 2020-yilning hisobot davrida bu ko‘rsatkich 1293 tani tashkil qildi. 2020-yilda jarohat olganlar soni esa — 3886 nafar.

YTHlarning 1919 tasi piyodalar, 728 tasi bolalar, 579 tasi velosipedchilar, 77 tasi mototsiklchilar, 146 tasi taksi haydovchilari bilan sodir bo‘lgan. 17,8 foiz holatda avariyalar piyodalarning ko‘chani noto‘g‘ri joyidan kesib o‘tishi oqibatida yuz bergan.

Foto: YHXBB axborot xizmati

Foto: YHXBB axborot xizmati

Shuningdek, YTHlarning 15,5 foizi belgilangan tezlik rejimiga rioya qilmaslik, 6,3 foizi velosipedchilarning yo‘l qatnov qismida harakatlanishi, 6,2 foizi haydovchi rulda uxlab qolishi, 1,7 foizi esa mast holda rulga o‘tirish oqibatida kelib chiqqan.

O‘tgan davr mobaynida yo‘l harakati bo‘yicha jami 3,9 milliondan ortiq qoidabuzarliklar aniqlangan. Ularning 2,1 milliondan ortig‘i qo‘pol qoidabuzarliklar sirasiga kirsa, 565,5 mingi xavfsizlik kamarini taqmaslik holati bo‘yicha qayd etilgan.

Foto: YHXBB axborot xizmati

Foto: YHXBB axborot xizmati

Eslatib o‘tamiz, avgust o‘rtalarida ichki ishlar vaziri Po‘lat Bobojonov O‘zbekistonda 2020-yilning o‘tgan yetti oyi davomida sodir etilgan jinoyatlarning har uchtadan bittasi firibgarlik, o‘g‘irlik va yo‘l-transport hodisasi hisobiga to‘g‘ri kelayotgani to‘g‘risida ma’lum qilgandi.

Izoh
Asosiy yangiliklar
Mahalliy
“Qonunlar ishladi”: Rasul Kusherbayevni onasidan so‘kkan fuqaro 9 mln so‘m jarimaga tortildi
Dunyo
Rossiyalik harbiylar Xersondan chekinmoqchi bo‘lgan, ammo Putin buni taqiqlagan va endi joylarda strategik qarorlarni o‘zi qabul qilishini aytgan
Dunyo
Ukrainadagi urush: taktik yadro quroli nima va u Rossiya tomonidan qo‘llanilishi mumkinmi?