Boks bo‘yicha og‘ir vazn toifasida WBC chempionlik kamari sohibi Tayson Fyuri sobiq chempion Deontey Uaylder bilan uchinchi jangda ishtirok etishdan voz kechganini ma’lum qildi.
“Men Uaylderning yuzini yana bir bor bejab qo‘yishni istagandim — bu men uchun juda tez va oson o‘tgan jang bo‘lardi. Ammo u va uning jamoasi hali ham jang sanasi borasida bir qarorga kelmadi. Ular chempion bilan jang qilishni u qadar istamayapti.
Ular mendan jangni dekabrga qoldirishni so‘radi — jangni 19-dekabrga qoldirishga rozi bo‘ldim. Keyin yana sanani surishni xohlashdi, bunisi keyingi yilga.
Men shug‘ullangandim, tayyor edim. Biroq ular 19-dekabrdagi jangni 2021-yilga qoldirishni so‘radi, bunisi endi o‘tib tushdi. Men olg‘a yurishda davom etaman”, — deydi Fyuri.
Eslatib o‘tamiz, 2018-yilning dekabr oyida bo‘lib o‘tgan birinchi bahsda g‘olib nomi aniqlanmagandi. 2020-yilning fevral oyida o‘tkazilgan ikkinchi jangda esa Fyuri Uaylderni yettinchi raundda texnik nokaut bilan mag‘lubiyatga uchratgan va WBC chempionlik kamarini undan tortib olgandi.
Izoh (0)