Tan olinmagan Tog‘li Qorabog‘ respublikasining havo hujumidan mudofaa kuchlari Ozarbayjonning yana ikkita samolyotini urib tushirdi, deb xabar bermoqda “Interfaks”.

Urib tushirilgan samolyotlarning biri haqida Armaniston Mudofaa vazirligi matbuot kotibi Shushan Stepanyan o‘zining Facebook’dagi sahifasida ma’lum qilgan. Keyinroq respublika Mudofaa vazirligi vakili Artsrun Ovannisyan Ozarbayjonning yana bir samolyoti urib tushirilganini ma’lum qildi. “Bugunning o‘zida uchinchisi bo‘lgan yana bir samolyot urib tushirildi”, — degan u Facebook’dagi sahifasida.

Bundan avval Qorabog‘ mudofaa armiyasi Ozarbayjonning bitta vertolyotini urib tushirgani, u Eron hududiga qulagani ma’lum qilingan. Shundan so‘ng tan olinmagan Tog‘li Qorabog‘ respublikasi Mudofaa vazirligi yana bir vertolyot va samolyot urib tushirilgani haqida xabar bergan.

Ozarbayjon Mudofaa vazirligi Tog‘li Qorabog‘dagi mojaro zonasida Ozarbayjon harbiy vertolyoti yo‘q qilingani to‘g‘risida Armaniston tomonning xabarlarini tasdiqlamagan.

Bundan bir kun avval Ozarbayjon Qorabog‘da Armanistonning ikki mingdan ortiq askari o‘ldirilgani va yaralanganini ma’lum qilgandi. Yerevan bu Bokuning bir kunlik yo‘qotishlari deb javob qaytargan Ozarbayjon.

Eslatib o‘tamiz, Tog‘li Qorabog‘da Ozarbayjon va Armaniston o‘rtasida harbiy nizo 27-sentabr kuni qaytadan boshlandi. Har ikki tomon ham bir-birini ig‘vogarona xatti-harakatlar va vaziyatni keskinlashtirishda ayblamoqda. Mojaro keskinlashgani tufayli har ikkala mamlakatda harbiy holat e’lon qilingan.