Bugun,

  • USD 11095.31
  • RUB 173.84
  • EUR 10772.44

Turkmanistondagi maktablarda o‘quv vaqtining qisqartirilishi sababli boshlang‘ich sinflarda jismoniy tarbiya, musiqa, mehnat va rasm darslari bekor qilindi. Bu haqda “Xronika Turkmenistana” xabar berdi.

Foto: “Xronika Turkmenistana”

Foto: “Xronika Turkmenistana”

Katta sinflarda esa o‘quv dasturiga kiritilgan olti soat turkman tili o‘rniga to‘rt soat, uch soat rus tili o‘rniga ikki soat, ikki soat biologiya, tarix va geografiya darslari o‘rniga bir soatdan dars o‘tilmoqda.

Koronavirus pandemiyasi sharoitida ko‘plab mamlakatlardagi maktablarda darslar qisqartirilgan dasturlar asosida o‘tilmoqda. Biroq Turkmanistonda ta’lim soatlarini va fanlar sonini qisqartirish bo‘yicha rasmiy topshiriq yo‘q, shuning uchun o‘qituvchilar darslar xuddi avvalgi me’yorlarda o‘tayotganidek jurnallarni va ish daftarlarini to‘ldirishga majbur qilinmoqda.

Shuningdek, qo‘yilgan baholar ham avvalgi dars soatlari va fanlar soniga mos kelishi kerak. Shuning uchun turkmanistonlik o‘qituvchilar nafaqat soxta ma’lumotlarni ko‘rsatishga, balki o‘ylab topilgan baholarni ham qo‘yishga majbur bo‘lmoqda.

Eslatib o‘tamiz, Turkmaniston maktablarida har bir sinfdagi o‘quvchilar soni 15 nafargacha, darslar davomiyligi esa 25-35 daqiqagacha qisqartirilgandi.

Avvalroq Ashxobodda rus tilida ta’lim beriladigan sinflar sanitariya-gigiyena me’yorlariga amal qilish zarurati sababli yopilgani munosabati bilan Rossiya Tashqi ishlar vazirligi mamlakatda rus tili sinflarining yopilishi bilan bog‘liq vaziyatni tushuntirishni so‘rab, Turkmaniston Tashqi ishlar vazirligiga nota yuborgani haqida xabar berilgandi.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?