TikTok AQSh hukumati bilan davom etayotgan mojarolar fonida foydalanuvchilari to‘g‘risidagi ma’lumotlarni oshkor etdi, deb xabar beradi CNBC.

Foto: TechCrunch

TikTok auditoriyasining dunyo bo‘ylab o‘sishi:

  • 2018-yilning yanvari: 54,8 million foydalanuvchi;
  • 2018-yilning dekabri: 271,2 million foydalanuvchi;
  • 2019-yilning dekabri: 507,6 million foydalanuvchi;
  • 2020-yilning iyuli: 689,2 million foydalanuvchi.

Iyul oyida global auditoriya oyiga 700 million faol foydalanuvchiga yetgan, avgust holati bo‘yicha ilova butun dunyo bo‘ylab 2 milliard marotaba yuklab olingan.

Avgust oyining boshlarida Tramp TikTok’ni taqiqlash bo‘yicha farmonga imzo chekkan edi — videoservis amerikalik foydalanuvchilarning shaxsiy ma’lumotlarini Xitoy hukumatiga taqdim etishda gumon qilingan.

Eslatib o‘tamiz 2019-yilda Instagram ham TikTok’ka o‘xshash Reels dasturini sinovdan o‘tkazayotgani haqida xabar berilgandi.

Avvalroq investorlar Xitoyning ByteDance kompaniyasiga tegishli TikTok servisini 50 milliard dollarga baholagani, 1-avgustda Microsoft TikTok servisini sotib olish bo‘yicha muzokaralar o‘tkazayotgani va AQSh prezidenti Donald Tramp ijtimoiy tarmoqni mamlakat hududida taqiqlash niyatida ekanligini ma’lum qilgani haqida xabar berilgandi.