Qo‘ziqorin va tovuq qo‘shilgan qaymoqli sous lag‘monga yanada xushbo‘y ta’m beradi. Bu taom kechki dasturxoningizni bezatadi.
Kerakli mahsulotlar:
- 350 gr tovuq lahmi (filesi);
- ta’bga ko‘ra tuz;
- ta’bga ko‘ra mayda qora qalampir;
- 3 osh qoshiq un;
- 350 gr qo‘ziqorin;
- 1 osh qoshiq o‘simlik yog‘i;
- 2 osh qoshiq sariyog‘;
- 2 dona sarimsoq piyoz;
- 240 ml tovuq sho‘rvasi (bulyon);
- 120 ml qaymoq;
- 200 gr lag‘mon.
- Tovuqni mayda-mayda bo‘laklarga kesib, tuz qalampir va ikki osh qoshiq un sepib, aralashtiring;
- Qo‘ziqorinlarni yuving va mayda bo‘laklarga bo‘ling;
- Tovaga o‘simlik yog‘i va sariyog‘ning yarmini solib, o‘rta olovda qizdiring. Tovuqni, taxminan, 7-10 daqiqa davomida qizartirib qovurib, boshqa idishga oling;
- Qolgan sariyog‘ni tovaga solib, qo‘ziqorinlarni 15 daqiqa qovuring. Unga to‘g‘ralgan sarimsoq piyozni solib, yana 30 sekund pishiring;
- Tovuq ustiga qo‘ziqorinlarni terib, un seping va aralashtiring;
- 30-45 sekunddan keyin bulyon va qaymoqni qo‘shing;
- 3-5 daqiqa davomida qaynating. Keyin tuz va qalampir qo‘shing;
- Lag‘monni ko‘rsatmaga muvofiq qaynatib oling. Chovli yordamida suvidan ajrating. Qaymoqli sousga solib, aralashtiring.