Лағмонни қўзиқорин ва қаймоқли соус билан тайёрлаб кўринг

Қўзиқорин ва товуқ қўшилган қаймоқли соус лағмонга янада хушбўй таъм беради. Бу таом кечки дастурхонингизни безатади.

Керакли маҳсулотлар:

• 350 гр товуқ лаҳми (филеси);
• таъбга кўра туз;
• таъбга кўра майда қора қалампир;
• 3 ош қошиқ ун;
• 350 гр қўзиқорин;
• 1 ош қошиқ ўсимлик ёғи;
• 2 ош қошиқ сариёғ;
• 2 дона саримсоқ пиёз;
• 240 мл товуқ шўрваси (бульон);
• 120 мл қаймоқ;
• 200 гр лағмон.

• Товуқни майда майда бўлакларга кесиб, туз қалампир ва икки ош қошиқ ун сепиб, аралаштиринг;
• Қўзиқоринларни ювинг ва майда бўлакларга бўлинг;
• Товага ўсимлик ёғи ва сариёғнинг ярмини солиб, ўрта оловда қиздиринг. Товуқни, тахминан, 7-10 дақиқа давомида қизартириб қовуриб, бошқа идишга олинг;
• Қолган сариёғни товага солиб, қўзиқоринларни 15 дақиқа қовуринг. Унга тўғралган саримсоқ пиёзни солиб, яна 30 секунд пиширинг;
• Товуқ устига қўзиқоринларни териб, ун сепинг ва аралаштиринг;
• 30-45 секунддан кейин бульон ва қаймоқни қўшинг;
• 3-5 дақиқа давомида қайнатинг. Кейин туз ва қалампир қўшинг;
• Лағмонни кўрсатмага мувофиқ қайнатиб олинг. Човли ёрдамида сувидан ажратинг. Қаймоқли соусга солиб, аралаштиринг.