Xitoyda so‘nggi sutkada koronavirus bilan kasallanish bo‘yicha 127 ta va kasallik belgisiz o‘tayotgan 11 ta holat aniqlandi, bemorlarning 13 nafari sog‘aydi, deb xabar bermoqda Swissinfo Xitoy Sog‘liqni saqlash milliy komissiyasiga tayanib.
Foto: Xinhua
Aniqlangan yangi kasallanish holatining 123 tasi mamlakatning o‘zida (112 tasi — Shinjon-Uyg‘ur avtonom hududida, Lyaonin provinsiyasida — 11 ta) qolgan to‘rtta belgili va beshta belgisizlar chetdan yuqtirilgan.
Mamlakatda umumiy hisobda 84 292 kishi koronavirusga chalingan, 4634 nafar bemor COVID-19 qurboniga aylangan.
Bir kun avval Xitoyda koronavirus bilan kasallanish bo‘yicha 105 ta va kasallik belgisiz o‘tayotgan 21 ta holat aniqlangan edi.
Janubiy Koreyada esa sutka davomida 36 kishi koronavirusga chalingani qayd etilib, kasallanganlarning umumiy soni 14 305 nafarga yetdi, deb xabar beradi “Regnum”.
Kasalliklar profilaktikasi va nazorati markazi (KCDC) ma’lumotlariga ko‘ra, yangi kasallanish holatining 14 tasi mamlakatning o‘zida, 22 tasi chetdan kirib kelgan.
O‘tgan bir sutka ichida shifoxonalarda 51 kishiga javob berilgan bo‘lib, Janubiy Koreyada hozirga qadar koronavirusdan sog‘ayganlar soni 13 183 kishiga yetgan (92 fozi). Pandemiya boshlanganidan buyon COVID-19’dan vafot etganlar soni esa 301 kishini tashkil etmoqda.
