NASA Perseverance nomli yangi marsoxodini uchirdi. Bortiga mazkur apparat o‘rnatilgan Atlas V raketa-tashuvchisi orqali Kanaveral sahrosidan uchirildi. Raketaning uchish jarayoni NASA saytida to‘g‘ridan to‘g‘ri translyatsiya qilindi.
Missiya rejasiga ko‘ra, rover 2021-yilning 18-fevralida Mars yuzasiga borib qo‘nishi kerak. Missiyani amalga oshirish uchun jami 2,1—2,7 milliard dollar sarflanishi kutilmoqda.
Perseverance Marsning o‘tmishdagi mikrobiologik hayot shakli alomatlarini qidirish bilan shug‘ullanadi. U tuproq namunalarini to‘playdi (uni 2028-yilda Perseverance yoniga qo‘nadigan boshqa bir apparat olib ketadi), shuningdek, sayyoraning iqlimi va ob-havosini o‘rganadi.
Bundan tashqari, rover Marsga kelajakda Oy yuzasiga, keyinchalik Marsga qo‘nadigan odamlar uchun skafandr tayyorlashda ishlatiladigan materiallar namunasini olib ketadi. Muhandislar Mars sharoiti namunalarga qanday ta’sir ko‘rsatishini tekshirish niyatida.
Shuningdek, birinchi bor Marsga sinov vertolyot droni yetkaziladi. Hozirga qadar Marsga oid biror missiyada atmosferada uchishga qodir apparatlardan foydalanilmagan. Dron yordamida shu turdagi parvozlar texnologiyasini yaratish rejalashtirilgan.
Avvalroq BAA o‘zining kosmik zondini birinchi bor Yaponiyadan turib Marsga uchirgani to‘g‘risida xabar berilgandi. Oradan ko‘p o‘tmay Xitoy ham Marsga o‘zining birinchi missiyasini uchirgan.
Izoh (0)