Telegram iOS dasturida videoqo‘ng‘iroqlarni test rejimida ishga tushirdi

Telegram’ning 26-iyul kuni taqdim etilgan yangilangan versiyasi orqali endilikda videoqo‘ng‘iroqlarni ham amalga oshirish mumkin, deb yozadi Spot.

Biroq videoqo‘ng‘iroqlar hozircha faqat iOS ilova orqali hamda test rejimida amalga oshiriladi.

Videoqo‘ng‘iroqdan foydalanish uchun quyidagi amallarni bajarish lozim:

• App Store orqali Telegram’ning so‘nggi versiyasini (6.3) yuklab olish;
• Ilovadagi sozlamalar tugmasiga 10 marotaba bosish (debag-menyu ochiladi);
• Experimental Feature funksiyasini yoqish;
• Profilga kirib, avatarkani pastga tortish.

Bu turdagi videoqo‘ng‘iroqlarni faqatgina shu usulda yangi funksiyani yoqqan boshqa foydalanuvchilar bilan amalga oshirish mumkin.