Apple yangi funksiyalar va texnologiyalari taqdimotini o‘tkazdi. Kompaniya vakillarining so‘zlariga ko‘ra, bir qator Memoji’lar himoya niqoblariga ega bo‘ladi, deb yozadi “Afisha.uz”.

Foto: “Afisha.uz”

Shuningdek, Memoji bo‘limida iOS 14 uchun 20 ta yangi bosh kiyim va soch turmaklari paydo bo‘ladi.

Foto: “Afisha.uz”

Bundan tashqari, yangilangan operatsion tizim bilan bir qator yangiliklar joriy etiladi:

  • siri ancha qulaylashadi;
  • siri yordamida messenjerlarga ovozli xabar yuborish mumkin bo‘ladi;
  • qulay tarjima uchun Translate ilovasi ishga tushiriladi. U 11 ta tilni qo‘llab-quvvatlaydi;
  • “Xabarlarda” tanlangan chatni ro‘yxat boshiga “qotirib” qo‘yish mumkin bo‘ladi;
  • “Xaritalar” velosipedchilar uchun to‘g‘ri marshrutni taklif etishni o‘rganib olgan;
  • elektromobil haydovchilari uchun muhim funksiya paydo bo‘ladi — yo‘nalishda joylashgan quvvatlantirgichlarning mavjudligi haqida axborot beriladi;
  • CarPlay orqali raqamli kalitlarni ro‘yxatdan o‘tkazish mumkin va hokazo. Joriy etiladigan barcha yangiliklar bilan quyidagi havola orqali tanishish mumkin.

iPhone’larda birinchi bor Memoji funksiyasi 2018-yilning sentabrida — iOS 12’ning yangi funksiyasi sifatida taqdim etilgandi. Uning yordamida individual smayliklarni yaratish mumkin. Shuningek, Memoji’lardan iMessage’da, do‘stlarga video va stikerlarni yuborishda foydalanish mumkin.