Internetda borgan sari mashhur insonlar, aktyorlar va boshqa yulduzlarning yuzi o‘rnida foydalanuvchilar yuzi tasvirlangan suratlar tarqalmoqda. “Afisha.uz” bu kabi suratlarni yaratishga yordam beradigan Doublicat mobil ilovasidan foydalanish bo‘yicha maslahatlar berdi.
Barchasi Doublicat mobil dasturiga o‘rnatilgan Deepfake servisi orqali amalga oshiriladi: Face Swap app va keng ommaga tarqatiladi. Texnologiya neyrotarmoqlar yordamida qisqa vaqt ichida bir inson yuzini boshqasiga almashtirish imkoniyatini taqdim etmoqda. Buning uchun birgina surat lozim va dastur taklif etilgan variantlar bo‘yicha qolgan barcha ishni o‘zi bajaradi.
Hozirda servis “kutubxonasi”da mashhur aktyorlar, qo‘shiqchi va kino personajlarining mingdan ortiq GIF’lari mavjud. Mazkur mobil dastur foydalanuvchilarni faqat xursand qilish uchun yaratilgan.
Dasturda ko‘plab reklama mavjudligi va bepul versiyasida funksiyalar cheklangani kishini biroz xafa qiladi. Masalan, ikkita video-gifdan so‘ng 5 dollar evaziga bir oyga yoki 25 dollar evaziga bir yilga obunani rasmiylashtirish to‘g‘risida taklif paydo bo‘ladi. Servisdan foydalanishni davom ettirish uchun reklama bannerini tomosha qilish kerak.
Shuningdek, dasturda shaxsiy GIF-animatsiya yoki mashhur inson ko‘rinishida surat yaratish, shuningdek, foydalanuvchini taniqli shaxs bilan taqqoslash imkoniyati ham mavjud.
Doublicat: Face Swap app’ni Android yoki iOS’lar uchun bemalol yuklab olish mumkin.
Izoh (0)