Toshkentda 77 yoshli erkak to‘qqizinchi qavatdan sakrab o‘z joniga qasd qildi

Toshkent shahrining Shayxontohur tumanida keksa yoshli erkak to‘qqiz qavatli uydan sakrab o‘z joniga qasd qildi, deb xabar bermoqda Repost Bosh prokuratura matbuot xizmatiga tayanib.

Qayd etilishicha, mudhish voqea haqida tuman IIBga 14-iyul kuni ma’lumot kelib tushgan. Tergov davomida aniqlanishicha, 1943-yilda tug‘ilgan erkak ko‘pqavatli uyning to‘qqizinchi qavatidan sakrab o‘z joniga qasd qilgan.

Erkak uchta neyrojarrohlik operatsiyasini boshdan o‘tkazgan bo‘lib, yana bitta operatsiya qilinishi kerak bo‘lgan. So‘nggi kunlarda u o‘z joniga qasd qilish haqida tez-tez gapirgan.

Avvalroq Samarqandda o‘z joniga qasd qilgani aytilgan 69 yoshli ayolning IIVga xabar bermasdan dafn etilgani shubha uyg‘otib ochilgan jinoyat ishi natijalari e’lon qilingandi.