Futbol bo‘yicha Janubiy Koreya chempionatining 7-turida “Kvanju” 17-iyun, chorshanba kuni “Inchhon Yunayted”ni qabul qildi.
Uchrashuvning 29-daqiqasida mezbonlar Felipe Silvaning goli evaziga hisobda oldinga chiqib olgan bo‘lsa, ikkinchi bo‘limning 79-daqiqasiga kelib “Kvanju” futbolchilari oradagi farqni yana bittaga oshirdi — 2:0. Bellashuvning qo‘shib berilgan daqiqalarida esa mehmonlar penaltidan hisobni qisqartirishga muvaffaq bo‘ldi — 2:1.
Ushbu bahsda o‘zbekistonlik himoyachi Rustam Ashurmatov to‘liq harakat qildi.
Mazkur natijadan keyin “Kvanju” ochkolarini 10 taga yetkazib olib, 5-o‘ringa chiqib olgan bo‘lsa, “Inchhon Yunayted” hamon musobaqa jadvalining so‘nggi pog‘onasida bormoqda.
Key-Liga
7-tur bahsi17-iyun, chorshanba
“Kvanju” — “Inchhon Yunayted” 2:1
Gollar: 1:0 — 29 Filipe, 2:0 – 79 Kim Jong Hvan, 2:1 – 90+6 Mugosha“Kvanju”: Li Jin Xen, Li I Ttim, Ashurmatov, Kim Chxan Su, Xon Jun Xo, Barboza, Lim Min Xek (Hyok Choi, 88), Li Xi Gyun (Jung-Hvan Kim, 39), Ye Rim, Pak Jon Su, Felipe.
“Inchhon Yunayted”: Jon San, Jon Don Yun, Li Je Son, Kim Jon Xo, Kim Yen Su, Kim Xo Nam (Mahazi 59), Kim Son Ju (Bunoza, 62), Ji On Xak, Kim Jun Bom, Lim In Su, Mugosha.
Ogohlantirishlar: Mahazi (69), Xyuk Lim (83), Li Jin Xen (90).
Izoh (0)