O‘zbekistonda bir kunda ikkinchi bor zilzila kuzatildi

Favqulodda vaziyatlar vazirligi Respublika seysmoprognostik monitoring markazi xabariga ko‘ra, 16-iyun kuni Toshkent vaqti bilan soat 14:21 da Afg‘onistonda yuz bergan zilzila O‘zbekiston hududida ham sezildi.

Ma’lum qilinishicha, zilzila o‘chog‘i Afg‘onistonda — 36,72 daraja shimoliy kenglik, 70,81 daraja sharqiy uzunlikda joylashgan. Toshkentgacha masofa 524 kilometr janubiy-sharqiy yo‘nalishda joylashgan bo‘lib, magnituda — 5,3, chuqurlik — 214 kilometr.

Zilzila O‘zbekiston hududida:

• Toshkent: 524 kilometr, 2 ball;
• Namangan: 482 kilometr, 2 ball;
• Andijon: 471 kilometr, 2 ball;
• Farg‘ona: 416 kilometr, 2 ball;
• Guliston: 455 kilometr, 2 ball;
• Jizzax: 458 kilometr, 2 ball;
• Samarqand: 469 kilometr, 2 ball;
• Теrmiz: 319 kilometr, 2 ball;
• Qarshi: 501 kilometr, 2 ball;
• Navoiy: 603 kilometr, 2 ball.

“O‘zbekistonning boshqa hududlarida yer silkinishi qayd etilmadi. Talafotlar va jabrlanganlar to‘g‘risida ma’lumot kelib tushmadi”, — deyiladi xabarda.

Eslatib o‘tamiz, bu 16-iyun kunining o‘zida O‘zbekistonda kuzatilayotgan ikkinchi zilzila hisoblanadi. Toshkent vaqti bilan soat 06:30 da Tojikistonda yuz bergan zilzila respublika viloyatlari hududida ham sezilgan edi.