“Ijtimoiy xodimlarning maqomi, vazifalari, funksiyalari va malakaviy talablari to‘g‘risidagi yo‘riqnomani tasdiqlash haqida”gi qaror 10-iyun kuni Adliya vazirligida davlat ro‘yxatidan o‘tkazildi.
Vazirlik matbuot xizmatining xabar berishicha, mazkur yo‘riqnomaga ko‘ra, ijtimoiy xodim ijtimoiy xizmatlar ko‘rsatishni tashkillashtiradigan yoki bevosita ijtimoiy xizmatlarni ko‘rsatuvchi zarur kasbiy malakaga ega bo‘lgan shaxs hisoblanadi.
Ijtimoiy xodimning quyidagi lavozimlari mavjud:
- barcha sohalarda ijtimoiy xizmatlarni tashkil etish bo‘yicha mutaxassis;
- oila, bolalar va yoshlar bilan ijtimoiy xizmat olib boruvchi ijtimoiy xodim;
- o‘zgalar parvarishiga muhtoj bo‘lgan yolg‘iz qariyalar va nogironligi bo‘lgan shaxslarni parvarish qilish bo‘yicha ijtimoiy xodimning assistenti.
Jumladan, barcha sohalarda ijtimoiy xizmatlarni tashkil etish bo‘yicha mutaxassis huquqiy, profilaktik, qo‘llab-quvvatlovchi, reabilitatsion va terapevtik xususiyatga ega psixoijtimoiy xizmatlar ko‘rsatish orqali shaxslarga og‘ir turmush sharoitidan chiqishga ko‘maklashadi.
Mavzuga doir:
- O‘zbekistonda “bola puli”ga ehtiyoji bor oilalarning 75 foizi nafaqa olmasligi ma’lum bo‘ldi
- O‘zbekistonda muhtoj oilalarga 1 trillion so‘mdan ortiq mablag‘ ajratiladi
- O‘zbekistonda nogironligi bo‘lgan keksalar uchun turistik yo‘llanma qiymati to‘lab beriladi va ular uchun chegirmalar e’lon qilinadi
Izoh (0)