Amerikalik xonanda, prodyuser, aktrisa Beyonse o‘tgan yili “Qirol sher” multfilmi saundtrekini ijro etib, Disney oilasi a’zosiga aylangan edi, deb yozadi Harper’s Bazaar.

Foto: Reuters

Beyonse, shuningdek, sher Nalaga ham ovoz bergan edi.

Ushbu hamkorlikdan ikki tomonning ham ko‘ngli to‘lgani uchun kinokompaniya xonandaga yana bir taklif bilan murojaat qildi. R&B qirolichasi Disney bilan 100 million dollarlik shartnomani imzolashga tayyorlanmoqda.

Xonanda kinokompaniyaning yana uchta loyihasida ishtirok etadi. Ulardan biri 2021-yilda ekran yuzini ko‘radigan “Qora pantera” ekanligi ma’lum, qolgan ikki loyiha hozircha oshkor etilmayapti.

Xonanda va kompaniya o‘rtasidagi muzokaralar davom etmoqda. Shartnomaning ayrim jihatlari muhokama qilinmoqda, asosiy masalalar bo‘yicha tomonlar kelishuvga erishgan.