Fuqarolik urushi (1861—1865-yillar) faxriysi sifatida nafaqa olgan oxirgi AQSh fuqarosi Iren Triplett 91 yoshida vafot etdi. Bu haqda Washington Post xabar bermoqda.
Faxriylar ishi bo‘yicha vazirlik tomonidan Iren Triplettga to‘lanadigan nafaqa miqdori yiliga 877,56 dollar yoki oyiga 73,13 dollarni tashkil etgan. U Konfederatsiya Armiyasi saflarida fuqarolik urushi qatnashchisining nogiron farzandi sifatida umrbod nafaqa olish huquqiga ega bo‘lgan.
Triplett 1930-yilda, otasi qariyb 84 yoshda bo‘lgan paytda tug‘ilgan bo‘lib, hayoti davomida turmush qurmagan. Ayol 31-may kuni Shimoliy Karolinadagi qariyalar uyida, uning akasi esa 1966-yilda vafot etgan.
Faxriylar ishlari bo‘yicha vazirlikning ta’kidlashicha, 2020-yil holatiga ko‘ra, qadimgi urushlar, jumladan, 1898-yilgi Ispaniya—Amerika urushida halok bo‘lgan askarlarning bevalari va bolalari nafaqa olishda davom etmoqda.