Bugun,

  • USD 11095.31
  • RUB 173.84
  • EUR 10772.44

Koronavirus tarqalishi boshlangan Xitoyning Uxan shahri kasalxonalarida COVID-19’ga chalingan so‘nggi uch bemor davolanib chiqdi, deb yozmoqda “RBK” shahar ma’muriyati e’lon qilgan ma’lumotlarga tayanib.

Foto: Global Look Press

Foto: Global Look Press

Xabarda aytilishicha, 5-iyunga o‘tar kechasi Uxanda va Xubey provinsiyasida koronavirusga chalinish bo‘yicha birorta holat qayd etilmagan. Kasalxonadagi so‘nggi uch kishiga javob berilgan, koronavirusga chalingan boshqa bemorlar qolmagan.

Umumiy hisobda epidemiya boshlanganidan buyon Xubey provinsiyasida koronavirusga chalinish bo‘yicha 68 135 ta holat qayd etilgan. Ulardan 63 623 nafari sog‘aygan, 4 512 nafari vafot etgan.

Provinsiyada avvalroq infeksiya tashuvchilari bilan muloqotda bo‘lgan 217 kishi shifokorlar nazoratida bo‘lib turibdi.

Shahar rasmiylari 24-aprelda ham kasalxonalarda koronavirusga chalingan birorta bemor qolmaganini ma’lum qilgandi. Biroq oradan 2 hafta o‘tib, yana kasallanish holati qayd etilgan.

2-iyun kuni Uxanda mahalliy aholini koronavirusni aniqlash bo‘yicha ommaviy testdan o‘tkazish yakunlangan. Natijada virusni belgisiz tashuvchi 300 kishi borligi aniqlangan.

5-iyun holatiga ko‘ra, Xitoyda koronavirus bilan kasallanish bo‘yicha 5 ta va kasallik belgisiz o‘tayotgan 3 ta holat qayd etildi. Bemorlarning 8 nafari sog‘aydi, vafot etish holatlari qayd etilmadi.

Umumiy hisobda esa mamlakatda 83 027 kishi koronavirusga chalingan. Bemorlarning 78 327 nafari sog‘aygan, 4 634 nafari vafot etgan. Kasalxonalarda 66 nafar bemor qolmoqda.

Izoh
Asosiy yangiliklar
Mahalliy
O‘quvchilarga berilayotgan pasport, Toshkentda paydo bo‘lgan ovozkuchaytirgichli avtoulovlar, o‘ta xavfli jinoyatchini qo‘lga olish jarayoni — Toshkent shahar IIBB...
Texnologiyalar
ChatGPT’da yangi funksiya paydo bo‘ldi
Sport
Rasman: Angelos Postekoglu “Tottenhem” bosh murabbiyi