Madridning “Real” klubi koronavirus pandemiyasi tufayli yuzaga kelgan inqirozga qaramay “Santyago Bernabeu”ni ta’mirlash jarayonini to‘xtatmaydi, deya xabar qilmoqda Daily Mail.

Foto: Marca

“Real” qurilish ishlarini davom ettirish borasida Madrid shahrining munisipal idorasidan rasmiy ruxsat olgan. Loyiha 500 million funtga (570 million yevro) baholangan. Klub 360 gradusli videoekran joylashtirish bilan birga, arena tomini yopiladigan qilmoqchi. Rekonstruksiya ishlari 2022-yilning oktabrida yakunlanishi rejalashtirilgan.

Stadionda ta’mirlash ishlari mavsumlar oralig‘ida olib borilishi reja qilingandi, biroq koroanvirus tufayli yuzaga kelgan tanaffus ishlarni ertaroq boshlash imkoniyatini yaratgan.

Avvalroq “Real”ning uy stadioni koronavirus pandemiyasi davrida dori-darmon va tibbiyot ashyolari saqlanadigan omborga aylantirilishi xabar qilingandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!