Qashqadaryo viloyati Chiroqchi tumanida do‘konda o‘g‘rilik sodir etgan shaxs ushlandi. Bu haqda Milliy gvardiya matbuot xizmati xabar berdi.

Ma’lum bo‘lishicha, Chiroqchi tumani markazida 8-apreldan 9-aprelga o‘tar kechasi ob-havo sababli texnik nosozlik yuzaga kelib, tuman vaqtincha elektr ta’minotidan uzilgan. Vaziyatdan kelib chiqib hududda Milliy gvardiya Qo‘riqlash boshqarmasi xodimlari qo‘riqlovdagi obyektlarning nazoratini yanada kuchaytirgan.

Tongi soat 04:00 larda tumanning Mustaqillik ko‘chasida joylashgan kanstovar do‘koni kirish eshigining qulfi buzish yo‘li bilan ochilganligi aniqlagan. Noqonuniy ravishda do‘konga kirib o‘g‘irlik qilgan shaxs do‘kondan chiqib ketmoqchi bo‘lib turgan vaqtda, u Milliy gvardiya xodimlari tomonidan voqea joyida ashyoviy dalillar (2 million 100 ming so‘m va Samsung A 10 rusumli uyali telefon apparati) bilan qo‘lga olingan.

Xabarda aytilishicha, ayni vaqtda ushlangan shaxs Chiroqchi tuman ichki ishlar bo‘limiga o‘rnatilgan tartibda topshirilgan va holat yuzasidan surishtiruv ishlari olib borilmoqda.