Liviya sobiq bosh vaziri koronavirusdan vafot etdi
Liviya sobiq bosh vaziri Mahmud Jabroil Misrdagi kasalxonalardan birida koronavirusdan vafot etdi. Siyosatchi 68 yoshda edi. Bu haqda Al Youm As Sabi hamda Al Arabiya xabar tarqatgan.
Oxirgi yillarda Liviya milliy kuchlari koalitsiyasini boshqargan siyosatchi 27-mart kuni kasalxonaga yotqizilgandi. Liviya sobiq bosh vazirida koronavirus infeksiyasidan tashqari yuragida ham muammolar bo‘lgani aytilmoqda.
Mahmud Jabroil 2011-yilda Muammar Kaddafi hokimiyati ag‘darilganidan keyin boshqaruv o‘tish davri milliy kengashiga berilgan vaqtda mamlakatda bosh vazir bo‘lgan. O‘sha yilning oktabr oyida Jabroil egallab turgan lavozimidan iste’fo bergandi.
2012-yil iyulda Mahmud Jarboilning “Milliy kuchlar ittifoqi” partiyasi saylovlarda eng ko‘p ovoz to‘plagan. Shuningdek, Jabroilning o‘zi ham saylovlarda prezidentlikka nomzodini qo‘ygandi, 2019-yil bahorida o‘tishi kerak bo‘lgan saylovlar Xalifa Xaftar kuchlarining Tripoliga hujumi tufayli noma’lum muddatga qoldirilgan.
Mavzuga doir:
- Koronavirus yuqtirib olgan mashhurlar (foto)
- “Real” sobiq prezidenti koronavirusdan vafot etdi
- “Bechora, dosh bera olmadi”. Lukashenko Belarusda koronavirusdan vafot etgan birinchi bemor haqida
- Ispaniyaning 86 yoshli malikasi Parijda koronavirusdan vafot etdi
- Eronda parlamentning besh nafar deputati koronavirus infeksiyasini yuqtirib oldi. Bir deputat koronavirusdan vafot etdi
