Chanel modalar uyi 2021 kruiz kolleksiyasi namoyishini qoldirdi. Brendning qarori koronavirus infeksiyasiga qarshi kurash bilan bog‘liq, deb yozadi “Buro 24/7”nashri.
Avvaliga shouni 2020-yilning 7-may sanasida Italiyaning Kapri orolida o‘tkazish rejalashtirilgandi. Keyinroq esa brend ko‘rgazma qoldirilgani haqida rasmiy e’lon qildi. Unda qo‘shimcha qilinishicha Chanel yangi to‘plamni namoyish qilishning muqobil yo‘llari ustida bosh qotirmoqda. Brend vakillarining aytishicha, shou Kaprida keyinroq o‘tkazilishi mumkin.
Eslatib o‘tamiz, Gucci va Prada brendlari ham koronavirus sabab San-Fransisko va Tokioda o‘tkazilishi kerak bo‘lgan kruiz kolleksiya namoyishini bekor qildi. Bundan tashqari, Dior brendi Italiyada bo‘lib o‘tishi kerak bo‘lgan kolleksiya namoyishini o‘tkazmaslikka qaror qilgan.