AQShda koronavirusga qarshi vaksinani klinik sinovdan o‘tkazish ishlari boshlandi. Bu haqda Associated Press xabar qilgan.

Foto: The Sun

Tadqiqotlar Vashington shtatining Sietl shahridagi Salomatlik tadqiqotlar institutida olib borilmoqda. Sinovlarda 45 nafar ko‘ngilli fuqaro ishtirok etmoqda, ularga shu kunlarda bitta va bir oydan keyin ikkinchi vaksina dozalari yuboriladi.

Vaksina Moderna kompaniyasi tomonidan Salomatlik tadqiqotlar instituti bilan hamkorlikda ishlab chiqilgan.

AP agentligining qayd etishicha, tadqiqot muvaffaqiyatli yakunlangan taqdirda ham vaksinaning bozorga chiqarilishiga kamida bir yil vaqt talab etiladi.

Avval Fransiyadagi taniqli brendlarning atir ishlab chiqaruvchi zavodlari bepul qo‘lni dezinfeksiyalovchi vositalarni ishlab chiqarishni yo‘lga qo‘ygani, Buyuk Britaniyada koronavirus vaksinasi tajribasida qatnashadiganlarga katta pul va’da qilingani  haqida xabarlar berilgan.