Buyuk Britaniya bosh vaziri Boris Jonson hukumatda bir qator o‘zgarishlarni amalga oshirdi, deb xabar bermoqda Meduza Sky News’ga tayanib.

Foto: AFP

Qayd etlishicha, g‘aznachilik (moliya vaziri) kansleri Sajid Javid iste’foga chiqdi. U o‘zining barcha maslahatchilarini ishdan bo‘shatishni talab qilgan Boris Jonson bilan kelishmovchilik tufayli ketdi. Uning o‘rniga g‘aznachilikning katta kotibi Rishi Sunak kansler bo‘ldi.

Shuningdek, Shimoliy Irlandiya ishi bo‘yicha vazir Julian Smit, biznes, energetika va sanoat strategiyasi vaziri Andrea Leds va atrof-muhit masalalari bo‘yicha vazir Tereza Villiyers ham o‘z lavozimlarini tark etdi. Bundan tashqari, Angliya va Uelsning bosh prokurori Jefri Koks ham ishdan ketgan.

Bu Boris Jonson hukumatidagi birinchi katta iste’folardir.