O‘zbekistonda ob-havo isishi bilan mototsikllar ishtirokidagi YTHlar ko‘paygani qayd etildi

4-fevral kuni taxminan soat 17:00 da Olmazor tumani Toshkent halqa avtomobil yo‘lida “Shifokor” sport kompleksi qarshisida yo‘l-transport hodisasi ro‘y berdi. Bu haqda Toshkent shahar IIBB matbuot xizmati xabar berdi.

Shacman yuk avtomobili haydovchisi 43 yoshli I.T. 39 yoshli A.A. boshqargan Yamaha rusumli mototsikl bilan to‘qnashgan. YTH natijasida mototsikl haydovchisi tan jarohatlari bilan tibbiy muassasaga yetkazildi.

Shu kunning o‘zida mototsikl ishtirokida yana bir yo‘l-transport hodisasi har ro‘y berdi: mototsikl va yengil avtomobil ishtirokidagi kichik to‘qnashuv oqibatida hech kim jarohatlanmangan.

“Hurmatli yo‘l harakati ishtirokchilari! Yil sayin poytaxtda mototsikl, moped va skuterlar soni oshib bormoqda. Sizdan ushbu omilni inobatga olishni, ko‘rinmaydigan hududlarga yetarlicha e’tibor qaratishni va burilish (manyovr)larni yo‘l harakati qoidalariga rioya qilgan holda amalga oshirishni so‘rab qolamiz”, — deyiladi xabarda.