O‘zbekiston olimpiya terma jamoasi U-23 Osiyo Chempionati—2020 musobaqasining yarim finalida 22-yanvar, chorshanba kuni Saudiya Arabistoniga qarshi bahs olib bordi.
Uchrashuv O‘zbekiston olimpiyachilarining ustunligida o‘tdi, Lyubinko Drulovich shogirdlari bir qator qulay vaziyatlarga ega bo‘ldi. Biroq o‘zbekistonlik futbolchilar hisobni ochishni uddalay olmadi.
87-daqiqada saudiyaliklar oldinga o‘tib oldi. Nosir Salmon al-Omranning jarima maydoni tashqarisidan yo‘llagan zarbasi rikoshetga uchrab Abduvohid Ne’matov darvozasidan joy oldi.
Shu tariqa Saudiya Arabistoni olimpiya terma jamoasi finalga yo‘l olish bilan birga Tokio—2020 Olimpiadasiga yo‘llanmani ham qo‘lga kiritdi. Saudiyaliklar finalda Janubiy Koreya — Avstraliya uchrashuvi g‘olibi bilan o‘ynaydi. Mazkur bahsda mag‘lub bo‘lgan jamoa O‘zbekiston bilan Olimpiadaga ajratilgan so‘nggi litsenziya uchun kurash olib boradi.
OCh—2020 U-23
Yarim final
22-yanvar, chorshanba
Saudiya Arabistoni — O‘zbekiston 1:0
Gol: 1:0 — 87 Nosir al-OmranO‘zbekiston: Abduvohid Ne’matov, Ilhom Alijonov, Husniddin Aliqulov, Islom Qobilov, Hojiakbar Alijonov, Aziz G‘aniyev, Abdulla Abdullayev, Oybek Bozorov, Sanjar Qodirqulov, Jasur Yaxshiboyev, Bobur Abduholiqov.
Saudiya Arabistoni: Muhammad Alyami, Abdulbosit Muhammad Hindi, Hassan Altambakti, Sami Alnaji, Abdulrahmon G‘arib, Abdulloh Abdulrahmon Alhamddan, Ayman Alhulayf, Holid Dubaysh, Ali al-Hassan, Muhtor Ali Shayh, Saud Abdulloh Albudhamid.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)