Ўзбекистон олимпия терма жамоаси U-23 Осиё Чемпионати—2020 мусобақасининг ярим финалида 22 январь, чоршанба куни Саудия Арабистонига қарши баҳс олиб борди.
Учрашув Ўзбекистон олимпиячиларининг устунлигида ўтди, Любинко Друлович шогирдлари бир қатор қулай вазиятларга эга бўлди. Бироқ ўзбекистонлик футболчилар ҳисобни очишни уддалай олмади.
87-дақиқада саудияликлар олдинга ўтиб олди. Носир Салмон ал-Омраннинг жарима майдони ташқарисидан йўллаган зарбаси рикошетга учраб Абдувоҳид Неъматов дарвозасидан жой олди.
Шу тариқа Саудия Арабистони олимпия терма жамоаси финалга йўл олиш билан бирга Токио—2020 Олимпиадасига йўлланмани ҳам қўлга киритди. Саудияликлар финалда Жанубий Корея — Австралия учрашуви ғолиби билан ўйнайди. Мазкур баҳсда мағлуб бўлган жамоа Ўзбекистон билан Олимпиадага ажратилган сўнгги лицензия учун кураш олиб боради.
ОЧ—2020 U-23
Ярим финал
22 январь, чоршанба
Саудия Арабистони — Ўзбекистон 1:0
Гол: 1:0 — 87 Носир ал-ОмранЎзбекистон: Абдувоҳид Неъматов, Илҳом Алижонов, Ҳусниддин Алиқулов, Ислом Қобилов, Ҳожиакбар Алижонов, Азиз Ғаниев, Абдулла Абдуллаев, Ойбек Бозоров, Санжар Қодирқулов, Жасур Яхшибоев, Бобур Абдуҳолиқов.
Саудия Арабистони: Муҳаммад Алями, Абдулбосит Муҳаммад Ҳинди, Ҳассан Алтамбакти, Сами Алнажи, Абдулраҳмон Ғариб, Абдуллоҳ Абдулраҳмон Алҳамддан, Айман Алҳулайф, Ҳолид Дубайш, Али ал-Ҳассан, Муҳтор Али Шайҳ, Сауд Абдуллоҳ Албудҳамид.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)