Bugun,

  • USD 11095.31
  • RUB 173.84
  • EUR 10772.44

Xabaringiz bor, 2019-yilning 27-dekabrida Prezidentimizining yoshlar bilan uchrashuvi bo‘lib, yurtboshimiz,“Yangi O‘zbekistonni, albatta yoshlar bilan birga quramiz” 2020-yil yoshlarga oid davlat siyosatida tub burilish yili bo‘ladi“ — deya ta’kidlagan edilar. Shuningdek, ”Rahbar va yoshlar” uchrashuvlari endilikda tez-tez tashkil etilishini belgilab bergan edi. “Andijon hududiy elektr tarmoqlari korxonasi” aksiyadorlik jamiyati rahbari, yoshlar bilan yuzma-yuz ko‘plab uchrashuvlar o‘tkazilmoqda.

Ochiq muloqot tarzida o‘tkazilgan uchrashuvlar davomida korxonaning yoshlari mavjud muammolar, ularning yechimi yuzasidan o‘zlarining takliflari, sohani rivojlantirish, mehnat samaradorligini oshirish borasidagi takliflari, shuningdek sohaga oid innovatsion loyihalari bilan ishtirok etdi.

Uchrashuvni “Andijon hududiy elektr tarmoqlari” AJ bosh direktori Ahadjon Jo‘rayev kirish so‘zi bilan ochib, yoshlarni korxonada olib borilayotgan amaliy ishlar bilan tanishtirdi.

Jumladan, jamiyatimiz xodimlari tomonidan viloyatdagi 16 ming tashkilot va 610 ming aholi iste’molchilariga elektr energiyasi yetkazib berilmoqda. 2019-yil davomida jami 3,2 mlrd kVt soat yoki 1 trln so‘mlik, o‘tgan yilga nisbatan 10% ko‘proq elektr energiyasi yetkazib berildi.

2019-yilda “Zavroq” va “Oltin vodiy” PS larga 2 dona 25 000 kVA transformator, “Oliygoh”, “Chinobod”, “Kamolot”, “Xidirsha”, PS larga 4 dona 10 000 kVA transformator, “KFK” PS ga 1 dona 6300 kVA transformator, “Orom” va “Paytug” PS lariga 2 dona 4 000 kVA transformator olib kelinib, jami 9 dona 104300 kVA kuch transformatorlari o‘rnatildi. Natijada Andijon, Asaka, Baliqchi, Izboskan, Oltinko‘l, Xo‘jaobod, Shahrixon tumanlari hamda Andijon shahri elektr ta’minoti yaxshilandi.

“Past kuchlanishli tarmoqlarni modernizatsiya va rekonstruksiya qilish” Dasturi doirasida 615 km elektr tarmoqlari va 285 ta transformator punktida qurilish va rekonstruksiya ishlari bajarildi.

Kuz-qish mavsumiga tayyorlash uchun 1,5 ming km uzunlikdagi elektr uzatish tarmoqlari va 550 dona transformator punktlari mukammal ta’mirlandi.

Korxona moddiy-texnika bazasini takomillashtirish hamda ishchi xodimlarga transport xizmatini yaxshilash maqsadida4 dona yengil avtomashinalar, 2 dona avtokran monipulyator,4 dona yamabur, 1 dona kamaz yuk avtomashinasi, 1 dona avtobus xarid qilindi.

Ushbu ishlarni bajarish uchun jami 65 mlrd so‘m mablag‘ sarflandi.

Iste’molchilarga yetkazib berilgan elektr energiyasini o‘z vaqtida hisob-kitob qilish va mablag‘larni undirish maqsadida Andijon, Xonobod shaharlari hamda Andijon, Asaka tumanida 150 ming dona zamonaviy hisoblagichlar o‘rnatilib, ASKUE tizimiga ulandi.

Jamiyat tarkibida tashkil qilingan metall konstruksiyalar ishlab chiqarish sexi tomonidan joriy yilda 25 ming dona qurilmalar ishlab chiqarilib, jamiyatga 2 mlrd so‘m iqtisod qilindi.

Kirib kelayotgan yangi 2020-yilda ham jamiyatimiz xodimlari tomonidan “Oxunboboyev” PS ga 1 dona 40 000 kVA, “Baliqchi” PS ga 1 dona 25 000 kVA transformator o‘rnatish rejalashtirilgan.

Xo‘jaobod tumanida 2020-yilning 1-choragida Temir-beton tayanchlar ishlab chiqarish sexini ishga tushirish bo‘yicha ishlar olib borilmoqda. Bu loyihani amalga oshirish uchun 2,5 mlrd so‘m mablag‘ sarflanadi. Korxona tomonidan yiliga 15 ming dona temir-beton tayanch ishlab chiqarish rejalashtirilgan.

Shundan so‘ng yoshlar bilan ochiq muloqot qilib ularning muammolari, takliflari, va innovatsion g‘oyalari bilan tanishdi.

Xususan, korxonaning energo sotish muhandisi Xusniddin Nuraliyev so‘zga chiqib iste’molchilarga qulaylik yaratish bo‘yicha o‘zining taklifini bildirdi.

Uning so‘zlariga ko‘ra “Iste’molchilarga yetkazib berilgan elektr energiyasini o‘z vaqtida hisob-kitob qilish va mablag‘larni undirish maqsadida Andijon, Xonobod shaharlari hamda Andijon, Asaka tumanida 150 ming dona zamonaviy hisoblagichlar o‘rnatilib, ASKUE tizimiga ulandi. Iste’molchilarning avtomatlashtirilgan tizimga ulanganligi endilikda iste’molchi qarzdorlikka chiqishi bilan tarmoqdan ajratish imkonini yaratadi. Bu esa iste’molchilarning qarzdorlik yoki haqdorliklari haqida doimiy xabardor bo‘lib turishlarini taqazo qiladi. Shuning uchun, iste’molchilarni tuman, shahar elektr tarmoqlariga bormasdan elektron tarzda qarzdorligi haqidagi kunlik ma’lumotni bilib turishlari uchun sharoit yaratilishi lozim. Buning uchun esa hozirda ommalashgan Telegram kanallaridan foydalanish mumkin. Uzavtosanoat tizimida hozirda shunday tizim joriy qilinganki mijoz maxsus Telegram botga o‘zining INN va shartnoma raqamini kiritishi kifoya. Mijozga o‘zining qarzdorligi, to‘langan mablag‘lari, navbati to‘g‘risidagi ma’lumotlar shu zahoti keladi.

Bizning tizimda ham shunday Telegram bot ochib iste’molchilarni qarzdorligini bilish uchun sharoit yaratish lozim.

Uchrashuv davomida yuqoridagi kabi o‘nlab takliflar va muammolar ko‘tarildi. Ularni o‘rganib chiqish va muammolarni bartaraf qilish bo‘yicha kerakli topshiriqlar berildi.

Reklama huquqi asosida.

Izoh
Asosiy yangiliklar
Kino
Roli sabab tomoshabinlar tanqidi va g‘azabiga uchragan mashhur aktyor va aktrisalar (foto)
Mahalliy
O‘zbekistonda 25-noyabr kuni 124 kishida koronavirus aniqlandi
Dunyo
Putinning askarlar onalari bilan uchrashuvi feykmi? Ushbu uchrashuvda aslida kimlar qatnashgani ma’lum bo‘ldi