Bugun,

  • USD 11095.31
  • RUB 173.84
  • EUR 10772.44

O‘zbekiston Qurolli Kuchlari tashkil etilganining 28 yilligi hamda Vatan himoyachilari kuniga bag‘ishlangan “Mardlar qo‘riqlaydi Vatanni!” shiori ostidagi noan’anaviy vatanparvarlik festivali “Forish” tog‘ poligonida yoshlarni bir joyga jamladi. Bu haqda Mudofaa vazirligi axborot va ommaviy kommunikatsiyalar departamenti “Daryo”ga xabar berdi.

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Avtobuslar karvonidan birin-ketin tushayotgan bu yigit-qizlarning aksari “Forish” tog‘-dala o‘quv maydoniga ilk bor kelgan bo‘lsa, ajab emas.

Tashabbuskorlari Markaziy harbiy okrug va Jizzax viloyati hokimligi bo‘lgan ushbu keng masshtabli tadbirga Jizzax garnizoni, viloyat mudofaa ishlari, xalq ta’limi, madaniyat hamda jismoniy tarbiya va sport boshqarmalari, O‘zbekiston mudofaasiga ko‘maklashuvchi “Vatanparvar” tashkiloti, Yozuvchilar uyushmasi, Yoshlar ittifoqi viloyat kengashi, “Mahalla” xayriya jamoat fondi viloyat bo‘limi ham bosh qo‘shdi.

Vatanparvarlik festivalining tantanali ochilish marosimida Jizzax viloyati hokimi Ergash Soliyev va Markaziy harbiy okrug qo‘shinlari qo‘mondoni polkovnik Oybek Saidov harbiy xizmat muqaddas burch, yuksak sharaf ekanini ta’kidlab, yoshlarni Vatan himoyasiga ruhlantiruvchi iliq fikrlar bildirdi.

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Viloyat musiqali drama teatri jamoasining Jaloliddin Manguberdi monologi yuzasidan sahnali ko‘rinishi, Jizzax va Samarqand garnizoni harbiy orkestrlarining badiiy-musiqiy chiqishlarida shonli o‘tmishimiz bugunga bog‘landi. Yurt posbonlarining qo‘l jangi usullari bo‘yicha ko‘rgazmali mashg‘ulotlari tank biatloni namoyishiga ulanib ketdi. Shuningdek, jangovar texnika va qurol-aslahalar, kiyim-kechak, oziq-ovqat mahsulotlarining ko‘rgazmasi o‘quvchi yoshlarda unutilmas taassurot qoldirdi, deyiladi xabarda.

Shu kuni harbiy xizmatchilar, ularning oila a’zolari, o‘quvchilar, uyushmagan yoshlardan iborat mehmonlar xalq o‘yinlari bo‘yicha bellashish imkoniyatiga ega bo‘ldi. Xususan, milliy kurash, tosh ko‘tarish, arqon tortish, kamondan o‘q otish, qo‘l jangi, bilak kuchini sinash musobaqalari chinakamiga aylanib ketdi. Ko‘ngilli va ishqiboz chavandozlar uloq ko‘pkari, ot choptirish o‘yinlarida sovrin uchun kurashdi. Qolaversa, qo‘chqor, xo‘roz urishtirish jangi shinavandalari ham tadbirdan chetda qolmadi.

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Mudofaaga ko‘maklashuvchi “Vatanparvar” tashkiloti avto-motokross poygasi pavilyonida avtomobil texnikalari, kord va pult bilan boshqariladigan samolyotlar namoyish etildi. Kinologiya va kavaleriya qo‘shinlari chiqishlari festival ishtirokchilarining tasavvurini jonlantirdi. Harbiylar va ovchilar o‘rtasidagi merganlik musobaqasi, ayniqsa, qizg‘in tus oldi.

O‘zbek milliy raqs, maqom san’ati ustalarining diltortar chiqishlarini askiyachilar va mohir dorbozlar davom ettirdi. Turli sport federatsiyalarining sport musobaqalari, milliy cholg‘u asboblari ijrosi, “Vatan haqidagi eng yaxshi she’r” tanlovi festivalga yakun yasadi.

G‘oliblar sovg‘ali bo‘ldi. Forish festivalida ishtirokning o‘zi hech bir sovg‘adan kam bo‘lmadi, deyiladi xabarda.

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Foto: Mudofaa vazirligi axborot va ommaviy kommunikatsiyalar departamenti

Izoh
Asosiy yangiliklar
Mahalliy
Toshkentda zo‘ravonlikka qarshi kurash bo‘yicha xalqaro anjuman — suratlarda
Dunyo
Trampning sobiq maslahatchisi prezident saylovida qatnashishga tayyorligini bildirdi
Madaniyat
“Kuniga 1 000 dollar topganda talash bo‘lgan ota keksayganda hech kimga kerak bo‘lmay qoldi” — Bobomurod Hamdamovning kelini oiladagi kelishmovchiliklar haqida (vi...