26-noyabr, seshanba kuni Toshkent shahri Chilonzor tumanida tunda singlisi bilan uyga qaytayotgan yigitga hujum qilib, uning mobil telefonini o‘g‘irlagan 30 yoshli erkak va uning 19 hamda 15 yoshli sheriklari qo‘lga olingan.
Skrinshot: Markaziy studiya
Tungi soat 02:17 da IIBB Chilonzor tumani navbatchilik qismiga mobil telefonining talonchilar tomonidan o‘g‘irlab ketilganini aytib murojaat qilgan fuqaro ko‘rsatmasiga asosan tezkor tadbir o‘tkazilgan va gumondorlar taxminan bir soat ichida Cho‘ponota ko‘chasida Matiz rusumli avtomobilda ketayotgan vaqtida qo‘lga olingan.
Mavzuga doir:
Endi jinoiy guruh O‘zbekiston Respublikasi Jinoyat kodeksining 166-moddasiga asosan “Talonchilik” jinoyatini sodir etgani uchun jazoga tortilishi mumkin. Ushbu modda bo‘yicha jinoyatni amalga oshirganligi isbotlangan fuqaro uch yildan besh yilgacha yoxud moddaning 2-qismiga ko‘ra besh yildan o‘n yilgacha ozodlikdan mahrum qilinishi mumkin.
