Qoraqalpog‘istonda MIB xodimlari tabiiy gazdan noqonuniy foydalanish holatini aniqladi, deb xabar bermoqda “Kun.uz”.
Ma’lum bo‘lishicha, 13-noyabr kuni Qoraqalpog‘istonning Xo‘jayli tumanida tuman MIB xodimlari tomonidan tegishli tekshiruv ishlari olib borilgan.
Uylarda o‘tkazilgan tekshiruvlar chog‘ida xonadonlardan birining egasi shlang yordamida uyiga tabiiy gaz o‘tkazib olib, shu yo‘l bilan isitish qozonini qaynatishi aniqlangan. Ulanib olingan gazdan ovqat tayyorlashda ham foydalanilgan. Umuman olganda, tabiiy gazdan bepul foydalanib kelingan. Chunki u gaz hisoblagichda qayd etilmagan.
Shuningdek, bu xonadonda Xo‘jayli tumani soliq qo‘mitasi rahbari istiqomat qilishi aniqlangan.O‘zbekistonda so‘nggi kunlarda gaz va elektr bilan bog‘liq muammolar kuzatilmoqda. 28-noyabr kuni Andijonning “Dalvarzin” va unga chegaradosh Oltinko‘l tumanining “Qo‘shtepa” mahallasida elektr tarmog‘ida ko‘p uzilishlar bo‘layotganligi hamda tabiiy gaz yetkazib berilmayotganligiga norozilik bildirgan aholi avtomobil yo‘liga chiqib, transport vositalari harakatini to‘sib qo‘ygan edi.
O‘zbekiston Senati gaz va elektr ta’minotidagi muammolar yuzasidan hukumatdan izoh talab qilgan.
Izoh (0)