Bugun,

  • USD 11014.01
  • RUB 191.8
  • EUR 10674.78

28-noyabr, payshanba kuni AOKAda “Ichki ishlar organlarining fuqarolarning murojaatlari bilan ishlash faoliyati to‘g‘risida” mavzusidagi matbuot anjumani tashkil etildi, deb xabar bermoqda IIV matbuot xizmati.

Foto: IIV matbuot xizmati

Foto: IIV matbuot xizmati

Tadbir davomida bloger va jurnalistlarning savollariga IIV Tashkiliy departamenti Murojaatlar bilan ishlash boshqarmasi rahbariyati va mas’ul xodimlari tomonidan batafsil javob berilgan. Xususan, mas’ul shaxslarga sobiq ichki ishlar organlari xodimlarining murojaatlari asosida ularning necha nafarining xizmatga tiklanishi ta’minlanishi so‘ralgan.

Javobda aytilishicha, ichki ishlar organlari safida xizmat qilgan sobiq xodimlarning ichki ishlar organlari xizmatiga qayta tiklash masalasidagi murojaatlarini o‘rganish davomida ularni xizmatdan bo‘shatilishiga sabab bo‘lgan holatlar batafsil o‘rganib borilishi amaliyoti yo‘lga qo‘yilgan.

“Shu bilan birga, turli sabablar bilan asossiz javobgarlikka tortilgan deb topilib, ular bo‘yicha oqlov hukmlari chiqarilgan va hozirgi vaqtda ichki ishlar organlari oldiga qo‘yilgan vazifalarni bajara olishi mumkin deb hisoblangan sobiq xodimlarning 200 nafarga yaqinining ichki ishlar organlari xizmatiga qabul qilinishi ta’minlandi”, — deya javob bergan IIV mas’ul shaxslari.

Izoh
Asosiy yangiliklar
Mahalliy
“Daryo” kundaligida sodir bo‘lgan eng muhim voqealar
Mahalliy
Shavkat Mirziyoyev Putin taklifiga binoan 7-oktabr kuni Rossiyaga boradi
Mahalliy
Dunyoda koronavirusni yuqtirish holatlari 6 foiz, o‘lim ko‘rsatkichi esa 12 foizga kamaydi