Jizzaxda odam savdosi bilan shug‘ullanuvchi ayol qo‘lga olindi. Bu haqda “Daryo”ga Jinoyat ishlari bo‘yicha Jizzax shahar sudining sudyasi E.Qarshiyev xabar berdi.
Ma’lum bo‘lishicha, asli Xorazm viloyatida yashovchi, Jizzax shahrida vaqtincha istiqomad qilayotgan Ye.Belova o‘zini shahvoniy va boshqa g‘araz maqsadlarda, (ismi sharifi o‘zgartirilgan) S.Norovani yollab, unga Turkiya davlatining Istanbul shahrida har oyda 3 000 dollardan pul ishlab topishini, har bir mijoz bilan jinsiy aloqada bo‘lganligi uchun esa 100—150 lira miqdorida pul ishlab olishini aytib, uni fohishalik qilish uchun da’vat qilgan.
Uning yo‘l xarajatlarini o‘z hisobidan to‘lab, jabrlanuvchi S.Norovani Toshkent xalqaro aeroporti orqali Turkiyaning Istanbul shahriga kuzatish maqsadida 2019-yil 30-may kuni soat 14:00 da yo‘lovchi avtomashinada olib ketayotgan vaqtida Jizzax viloyati IIB TEQKB xodimlari tomonidan ushlangan.
Mavzuga doir: Turkiyada fohishalik qilgan o‘zbekistonlik ayollar qo‘lga olinib, mamlakatdan deportatsiya qilindi
Ayol u shu yilning 31-yanvarida ham Jinoyat kodeksining 223-moddasi 1-qismi (Qonunga xilof ravishda chet elga chiqish yoki O‘zbekistonga kirish) bilan ayblanib, sudlangan.
Jinoyat ishlari bo‘yicha Jizzax shahar sudining 9-sentabrdagi hukmiga ko‘ra, Ye.Belova Jinoyat kodeksining 135-moddasi (Odam savdosi) 2-qismining “b”, “d” bandlarida nazarda tutilgan jinoyatni sodir qilganlikda aybli deb topilib, uzil-kesil 3 yil muddatga ozodlikdan mahrum etildi.
Izoh (0)