Yashnobod tumani Majburiy ijro byurosi boshlang‘ich qiymati 10 milliard so‘m bo‘lgan uyni kimoshdi savdosiga qo‘ydi.

Foto: “E-auksion.uz”

Mazkur lot “E-auksion.uz” ishga tushganidan beri kimoshdi savdosiga qo‘yilgan eng qimmat ko‘chmas mulklardan hisoblanadi. Bunga qadar sotuvga qo‘yilgan uylarning narxi 5 milliard so‘mdan oshmas edi.

Gap Mirzo Ulug‘bek tumani Sadaf ko‘chasida joylashgan ikki qavatli, 10 ta xonadan iborat uy haqida ketmoqda. Uyning umumiy maydoni 839,4 metr kvadrat. Butun hovli esa 13 sotixni tashkil etadi.

Foto: “E-auksion.uz”

Uy kimoshdiga Jinoyat ishlari bo‘yicha sudning qaroriga ko‘ra qo‘yilgan. Kimoshdi savdosida ishtirok etish uchun arizalar 23-noyabrga qadar qabul qilinib, 25-noyabr kuni savdo bo‘lib o‘tadi. Kimoshdida ishtirok etmoqchi bo‘lganlar oldindan 500 million so‘m to‘lashlari lozim.

Foto: “E-auksion.uz”

Foto: “E-auksion.uz”