Toshkentning Yunusobod tumanida X.A. fuqaro S.R.ning 240 million so‘mini firibgarlik yo‘li bilan qo‘lga kiritgani aniqlandi, deb xabar bermoqda Bosh prokuratura matbuot xizmati.

Ma’lum bo‘lishicha, X.A. fuqaro S.R.ga o‘zini “F” MChJ xodimi deb tanishtirib, unga mazkur jamiyatga investitsiya sifatida mablag‘ kiritsa, katta miqdorda foyda olishini aytgan. So‘ng uning ishonchiga kirib, 240 million so‘mini qo‘lga kiritgan.

Mazkur holat yuzasidan X.A.ga nisbatan Jinoyat kodeksining 168-moddasi bilan jinoyat ishi qo‘zg‘atilib, tergov harakatlari olib borilmoqda.