San-Fransiskodagi galereyadan 32 soniyada Salvador Dalining kartinasi o‘g‘irlab ketildi (video)

San-Fransiskodagi Dennis Rae Fine Art badiiy galereyasidan yarim daqiqa ichida Salvador Dalining “Yonayotgan jiraf” kartinasi o‘g‘irlab ketildi. Bu haqda Meduza xabar bermoqda.

Bu yerda ispan musavvirlari asarlari ko‘rgazmasi bo‘lib o‘tayotgan va ushbu kartina san’at muxlislarini ko‘proq jalb etish uchun vitrinaga qo‘yilgandi.

O‘g‘rilarga galereyaga kirib, molbertdan 50 ga 60 santimetrli gravyurani olishi va hech bir qarshiliksiz chiqib ketishi uchun 32 soniya yetarli bo‘ldi.

Galereya direktori Anjela Kellettga ko‘ra, jinoyatchining ko‘rgazma xodimini chalg‘itib turgan sherigi bo‘lgan. Bu vaqt mobaynida o‘g‘ri 20 ming dollar baholangan kartinani olib chiqib ketishga ulgurgan.