Xorazmda qariyb 2,5 tonna paxtani qayta topshirmoqchi bo‘lgan shaxslar qo‘lga olindi

Xorazm viloyatining “Qo‘shko‘pir paxta tozalash” korxonasi rahbarlari va fermer xo‘jaligi boshqaruvchisi 2490 kilogramm paxtani qayta topshirishga urinayotgan vaqtda Bosh prokuratura huzuridagi Departament xodimlari tomonidan qo‘lga olindi. Bu haqda “Gazeta.uz” xabar bermoqda.

Xabar berilishicha, korxona rahbarlari “S.R.” fermer xo‘jaligi boshqaruvchisi bilan 2490 kilogramm paxtani qayta topshirish uchun til biriktirgan. Ular daliliy ashyolar bilan qo‘lga olingan.

Holat bo‘yicha jinoyat ishi qo‘zg‘atilgan va tergov ishlari olib borilmoqda.

Avvalroq Shumanay tumanida topshirilgan paxta miqdoriga qo‘shib yozish holati aniqlangan edi.