Turkmanistonda dori-darmonlarning narxi 10 foizga oshdi

So‘nggi uch oy ichida Turkmanistonda dori-darmonlarning o‘rtacha narxi 10 foizga o‘sgan. Dorilar qimmatligi sabab dorixona kassasida to‘lov qilayotganlarning aksariyati qurbi yetmaganidan preparatlarning ma’lum qismini qaytarib berishga majbur bo‘lmoqda.

Shifokor qimmat dori yozib bergan bo‘lsa, xaridorlar tarkibi bir xil bo‘lgan boshqa arzonroq dorini sotib olishga harakat qilmoqda. Shifokorlarning ko‘pchiligi bemorning moliyaviy ahvolini hisobga olib, arzonroq retsept yozib berishga urinmoqda.

“Xronika Turkmenistana” nashri oxirgi uch oy ichida narxi qimmatlashgan preparatlar ro‘yxatini e’lon qilgan, unga ko‘ra aksar dorilarning narxi keskin ko‘tarilgan, ba’zilarining qiymati pasaygan. Nashr quyidagi dorilar narxlarini keltirgan.

“Gerbion sirop” (150 mg) 50 manatdan 52 manatga ko‘tarildi (+4 foiz qimmatlagan)

“Lidokain” (10 ta ampula) 13 dan 20 manatga ko‘tarildi (+53,8 foiz)

“Sigmaderm” (krem 10 gr) 23 dan 35 manatga ko‘tarildi (+52 foiz)

“Viferon 3” (10 suspenziya) 180 dan 380 manatga ko‘tarildi (+111 foiz)

“Seripan-D” (30 ampula) 45 dan 60 manatga ko‘tarildi (+33,3 foiz)

“Predizin” (35 mg, 60 tabletka) 175 dan 216 manatga ko‘tarildi (+23,4 foiz)

“Oftalmoferon” (ko‘z uchun tomchilar 10 ml) 180 dan 186 manatga ko‘tarildi (+3,3 foiz)

“Tetrasiklin surtmasi” (1 foizli, 3 gr) 7 dan 8 manatga ko‘tarildi (+14,3 foiz)

“Nistatin” (20 tabletka) 11,5 dan 22 manatga ko‘tarildi (+91,3 foiz)

“Mildronat” (60 tabletka) 255 dan 312 manatga qimmatlashdi (+22,3 foiz)

“Viferon 2” (10 suspenziya) 145 dan 198 manatga ko‘tarildi (+36,5%)

“Flokimazol” (kapsula, 150 mlg) 3 manat (narxi o‘zgarmagan)

“Tutukon Neo” (sirop 250 ml) narxi o‘zgarmagan 350 manat

“Abaktal” (400 mg 10 tabletka) narxi o‘zgarmagan 74 manat

“Atsiklostad” (tabletka, 1 donasi 200 mg) narxi o‘zgarmagan

“Omeglazol” (10 ta kapsula) 4 dan 3,5 manatga tushdi (-21,5 foizga arzonlashdi)

“Naklofen” (inyeksiya uchun aralashma, 5 ampula) 45 dan 36 manatga arzonlashdi (-20 foiz)

“No-Shpa” (25 ampula) 175 dan 163 manatga arzonlashgan (-6,8 foiz)

“Sintomitsin Liniment” (10 foizli 25 gr) 38 dan 31 manatga arzonlashdi (-18,4 foiz)

“Geksoral” (Aerozol 0,02 foizli, 40 ml) 104 dan 90 manatga arzonlashdi (-13,5 foiz).