Belmond Andean Explorer — VIP-klassga ega noyob besh yulduzli poyezd-mehmonxona. BigPicture ushbu poyezdning o‘ziga xos tomonlari tasvirlangan suratlar bilan bo‘lishdi.
Belmond Andean Explorer Peruning Arekipa va Kusko shaharlari o‘rtasidagi marshrut bo‘yicha harakatlanadi.
Mazkur poyezd ish yoki shaxsiy safarlar uchun mo‘ljallanmagan — poyezd-mehmonxona ekskursiya transporti vazifasini bajarib, turistlarni Peru bilan yaqindan tanishishiga yordam beradi.
Besh yulduzli poyezdning vagon-restorani dunyodagi eng yaxshi mehmonxonalarning restoranlari bilan bemalol raqobatlasha oladi.
Mazali taom bilan birga atrofdagi ajoyib manzalarni ham tomosha qilib ketish mumkin.
Dasturdan kelib chiqib safar 2—3 kunni tashkil etishi mumkin — sostav Perudagi diqqatga sazovor maskanlarda to‘xtab, yo‘lovchilar uchun ekskursiya o‘tkazadi. Marshrutdan inklarning sivilizatasiya markazi bo‘lgan Machu-Pikchu, Kolka kanyoni, Kusko xarobalari va Muqaddas vodiy o‘rin olgan.
Shuningdek, yo‘lovchilar safar davomida And tog‘larining ajoyib peyzajlari va Tinch okeani sohillarini ham kuzatishi mumkin. Temiryo‘l vodiylar, tunellar, boshni aylantiruvchi tog‘li ko‘priklar va qoyalar orasidan o‘tgan bo‘lib, poyezd dengiz sathidan 4800 metrgacha ko‘tariladi.
Belmond Andean Explorer vagonlarida 24 ta nomer bo‘lib, o‘ziga 48 yo‘lovchini sig‘dira oladi. Safar davomida yo‘lovchilarni shohona restoran, simsiz internet, sputnik televideniye, turli janrdagi qo‘shiqchilarning chiqishlari kabi ko‘ngilochar dasturlar kutadi.
Mazkur poyezda bir kun sayohat qilish bir kishi uchun 460 AQSh dollari turadi
Izoh (0)