Bugun,

  • USD 11014.01
  • RUB 191.8
  • EUR 10674.78

Buxoro viloyatining Kogon tumanida maktab o‘quvchilari paxta terimiga jalb etilmoqda. Bu haqda Repost o‘z manbalariga asoslanib xabar berdi.

Foto: Repost

Foto: Repost

Qayd etilishicha, paxta dalasiga beshinchi va undan yuqori sinf o‘quvchilari olib chiqilgan.

Kogon tumanidagi Taytal qishlog‘ida joylashgan paxta dalasida shu qishloqdagi 15-maktab o‘quvchilari paxta terayotganining guvohi bo‘lingan.

“Alinoz Sherginoz” va “Barno Bahrom” fermer xo‘jaliklariga tegishli paxta dalalarida 13 nafar beshinchi va undan yuqori sinf o‘quvchilari paxta terayotgan bo‘lgan.

Foto: Repost

Foto: Repost

“Otam o‘sha kuni ‘Tonyiroq’ mahallasiga ketayotgan edi. Yo‘lda u qishloq aholisi va fermerlar bilan birga paxta terayotgan bolalarni ko‘rib qoladi. Otamning bolalarga ‘Siz ota-onangizga yordam berishga chiqdingizmi, qayerda o‘qiysiz?’ degan savoliga bolalar maktabdan paxtaga chiqarilganini aytgan. Paxta dalasida 15-maktab ma’muriyati vakillari ham bo‘lgan. Otam bolalardan nechanchi sinfda o‘qishini so‘ragan. U yerda beshinchi, oltinchi va yuqori sinf o‘quvchilari ham bo‘lgan.

Maktab o‘quvchilarining paxta terayotgani aks etgan suratlar kunduzgi soat 11—12 atrofida olingan.

Fermerlar otamdan ushbu suratlarni hech qayerga tarqatmaslikni so‘ragan. Keyinroq ular bolalarning Kogon tumani hokimi Yo‘ldosh Jumayev buyrug‘i hamda Kogon tumani xalq ta’limi boshqarmasi ko‘rsatmasi bilan paxta dalasiga olib chiqilganini tan olgan.

Bo‘lgan voqeadan keyin 2—3 soat o‘tgach uchastka noziri otamga qo‘ng‘iroq qilib, ko‘rganlari haqida hech kimga gapirmaslikni tayinlagan”, — deydi ismi sir qolishini so‘ragan nashr muxbiri.

Manbaning xabar berishicha, bolalar paxta dalasiga dam olish va bayram kunlari olib chiqilmoqda.

1-oktabr kuni esa manbaning o‘zi bir necha fermer xo‘jaliklarida 17 nafar bola paxta terayotganining guvohi bo‘lgan.

Nashr Buxoro viloyati, Kogon tumani hokimligi hamda 15-maktab ma’muriyati bilan bog‘lanishga urinib ko‘rdi. Biroq harakatlar besamar ketgan.

Izoh
Asosiy yangiliklar
Mahalliy
“Daryo” kundaligida sodir bo‘lgan eng muhim voqealar
Mahalliy
Shavkat Mirziyoyev Putin taklifiga binoan 7-oktabr kuni Rossiyaga boradi
Mahalliy
Dunyoda koronavirusni yuqtirish holatlari 6 foiz, o‘lim ko‘rsatkichi esa 12 foizga kamaydi