Xitoy O‘zbekistonda “Xavfsiz shahar” tizimi uchun 1 milliard dollar ajratadi
Xitoy O‘zbekistonda “Xavfsiz shahar” tizimini joriy etish loyihasi uchun 1 milliard dollar pul beradi. Bu haqda Vazirlar Mahkamasining Xitoy bilan erishilgan shartnomalarni amalga oshirish bo‘yicha qabul qilgan qarorida qayd etilgan.
Bosh vazir Abdulla Aripov 24-sentabr kuni imzolagan qarorda aytilishicha, Toshkentda mazkur tizim 2020-yilning oxirida ishga tushiriladi. 2021-yil dekabrigacha esa O‘zbekistonning boshqa hududlarida ham “Xavfsiz shahar” tizimini joriy etish rejalashtirilgan.
Qarorda ta’kidlanishicha, Xitoy bilan O‘zbekiston o‘rtasida 4 milliard 342 million dollarlik loyihalarni amalga oshirish bo‘yicha shartnomalar imzolangan.
Qarorga muvofiq, 2019-yil 27—29-avgust kunlari Xitoy bilan hamkorlik bo‘yicha hukumatlararo qo‘mitaning beshinchi majlisi yakunlari bo‘yicha erishilgan kelishuvlar va imzolangan bitimlarni amalga oshirish bo‘yicha amaliy tadbirlar rejasi tasdiqlandi.
