Fotogalereya: Dubaydagi yetti yulduzli Burj al-Arab mehmonxonasining eng qimmat nomeridagi hayratda qoldiradigan hashamat

Dubaydagi Burj al-Arab dunyodagi eng qimmatbaho mehmonxonalardan biri hisoblanadi. Bu yerning mehmonlari orasida shayxlar, davlat rahbarlari hamda jahonning eng boy odamlarini uchratish mumkin.

Dubayning norasmiy ramziga aylangan Burj al-Arab 2 qavatli ultralyuks 202 ta nomerdan iborat. Xonalar did bilan bezatilgan bo‘lsa ham, mehmonxonada alohida toifadagi maxsus mehmonlar uchun “boshqacha” xonalar bor.

Ikkita 2 qavatli “Royal Two Bedroom Suite” xonalari mehmonxonaning yuqori qavatida joylashgan bo‘lib, u yerga alohida liftda chiqib, holl orqali kiriladi. “Royal Two Bedroom Suite” eng injiq mehmonning ham talab darajasidan ortiq qilib bezatilgan. Masalan, ushbu xonalar uchun LG kompaniyasi maxsus tilla televizorlar ishlab chiqaradi.

E’tiboringizga osmono‘par mehmonxonaning eng yuqori qavatida joylashgan, 780 kvadrat metrli nomerning aqldan ozdiradigan suratlarini taqdim etamiz.